Bakı/28.02.19/Turan: Azərbaycanda 20-40 yaş arasındakı vətəndaşlar qızılcaya qarşı peyvənd olunacaqlar. Müvafiq əmri ölkənin səhiyyə naziri imzalayıb.
Bu tədbir xəstəliyin yayılmasının qarşısının alınması məqsədilə həyata keçirilir.
Səhiyyə Nazirliyinin tibbi idarə və müəssisələrinin rəhbərlərinə tapşırılıb ki, 2019-cu ilin mart-aprel aylarında Bakıda və qızılca xəstəliyi faktlarının qeydə alındığı digər şəhər və rayonlarda 20-40 yaşındakı əhali arasında immunizasiya üzrə tədbirləri həyata keçirsinlər.
Bu məqsədlə ambulator-poliklinika müəssisələrində xüsusi tibbi briqadalar yaradılıb.
2018-ci ildə bəzi Avropa ölkələrində, həmçinin Azərbaycanla qonşu Gürcüstan və Rusiyada qızılca yayılıb. Azərbaycanda da qızılcaya yoluxma halları qeydə alınıb.-06D--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz