Bakı/28.02.19/TURAN: Fevralın 27-də Azərbaycan Milli Konservatoriyasında tanınmış tarzən, əməkdar artist Şəhriyar İmanovun təqdimatı keçirilib. Şəhriyar İmanov "Caz və pop repertuarı" adlı not kitabı da təqdim edib.
Layihə İsveçrənin İnkişaf və Əməkdaşlıq Agentliyi tərəfindən maliyyələşdirilən kitabda XX əsrin məşhur pop və caz əsərləri tar və piano üçün transkripsiyada verilib.
Konserti giriş sözü ilə açan Milli Konservatoriyanın rektoru Səyavuş Kərimi bildirib ki, Azərbaycan musiqisinin şah aləti olan tarın çox mahir ifaçıları olub: "Şəhriyar da gənc olmasına baxmayaraq, bu alətin tanıdılmasında lazımi işlər görür.
O, Azərbaycan klassik tar ifaçılığının da gözəl bilicisidir. Amma Şəhriyar daha çox özünəməxsus ifaçılığı ilə tanınır. Onun yeni çalğı üslubunu tənqid edənlər də olub.
Şəhriyarın Azərbaycanın hüdudlarından kənarda etdiyi çıxışlar hamımızın fəxri, Azərbaycan tarının və özünün qələbəsidir".
Daha sonra İsveçrə səfirinin müavini Simone Haeberli çıxış edib. "Şəhriyar İmanov Şərq və Qərb musiqisini birləşdirməklə Vaqif Mustafazadə ənənəsini davam etdirib. Kitabda bir sıra məşhur mahnıların tar və piano üçün transkripsiyası təqdim edilib", - deyə o, bildirib.
Şəhriyar İmanov isə öz növbəsində kitabın yaranması haqqında danışıb: "Bir neçə ay əvvəl İsveçrə səfirliyinə layihəni təqdim etdik. Kitabda on məşhur Qərb ifası yer alır. Kitabın ərsəyə gəlməsi üçün bir neçə ay çalışmışıq. Ümid edirəm, kitab təhsil müəssisələrində dərslik kimi istifadə ediləcək".
O, əlavə edib ki, konsertdə ifa ediləcək on əsərin hər biri kitabda əksini tapıb. Konsertdə "Hotel California""Strangers in the night", "Autumn leaves", "Historia de un amor" "Yesterday" və başqa ifalar səsləndirilib.-0-
Mədəniyyət
-
Noyabrın 28-də saat 17-də Landmark Cinema-da Ukrayna Kinosu Günlərinin açılış mərasimi keçiriləcək.
-
Yuva Bakı qalereyasında vizual rəssam Lali Binyatova öz son eksperimental işlərini təqdim etdi. Fotoqrafiya və rəssamlığı birləşdirərək sənətə tamamilə yeni bir ölçü gətirən bu işlər, Ruhun İnqilabı adı verilmiş sərgidə nümayiş etdirildi. Bu sərgi ənənəvi sənət sərhədlərini aşaraq tamaşaçılara unikal bir obyektiv vasitəsilə reallığın yenidən qurulduğu immersiv təcrübə təklif edir.
-
Azərbaycanda kitabların qiyməti geniş diapazonda dəyişir və adətən 5-25 AZN ($3-$15) arasında olur. Bununla belə, artan yaşayış xərcləri səbəbindən bir çox kitabsevərlər sevdikləri əsərləri əldə etməkdə çətinlik çəkirlər. Nəticədə, ikinci əl kitablar, elektron kitablar və ya xarici ölkələrdən onlayn sifarişlər daha sərfəli alternativlər kimi populyarlaşır.
-
İncəsənət və ekologiyanın birləşdiyi COP29 yaşıl zonasının mərkəzində Azərbaycan cəsarətli bəyanatla çıxış edib. Dünya səslərinin hay-küyü arasında ART Pavilion mədəniyyətin, yaradıcılıq və davamlılığın kəsişməsinə bariz sübutdur. Onun mərkəzində azərbaycanlı rəssam Aida Mahmudova özünün təəssüratoyadıcı Beyond Functionality adlı sərgisini təqdim edib.
Rəy yaz