Cümə günü RATİ-nin ofisində “Cəzasızlığa son qoyulsun” adlı dəyirmi masa keçirilib. Tədbir noyabrın 23-də qeyd olunan Cəzasızlığa qarşı Beynəlxalq Günə həsr edilib.
23 noyabr 2009-cu ildə Fillipində 32-si jurnalist və media nümayəndəsi olmaqla, 58 şəxs qətlə yetirilib. Bu gün tarixə “Maquindanao, Ampatuan” qətliyamı kimi düşüb. Bu günə kimi bu əməli törədənlərdən heç biri cəzalandırılmayıb.
RATİ direktoru Emin Hüseynov Azərbaycanda bu günün qeyd edilməsini əhəmiyyətli hesab edir, belə ki, iki il əvvəl bu gün publisist Rafiq Tağıya hücum edilib və dörd gün sonra o, vəfat edib. Hüseynov həmçinin 8 il əvvəl “Monitor” jurnalının redaktoru Elmar Hüseynovun qətlə yetirildiyini xatırladıb.
Hər iki jurnalistinin adının əbədləşdirilməsi üçün noyabrın 24-dən martın 2-dək “Mətbuat” prospektində barelyefin ucadılması məqsədilə imzatoplanma kampaniyası keçiriləcək. Noyabrın 23-də saat 12.00-dan 12.30-a qədər Rafiq Tağının məzarı başında anım mərasimi keçiriləcək.
Daha sonra iştirakçılar KİV və insan hüquqları sahəsində vəziyyətlə bağlı fikir mübadiləsi aparıblar. “Qanun” nəşriyyatının rəhbəri Şahbaz Xuduoğlu nəşriyyata təzyiq olduğunu, sənədlərin və kompüterlərin müsadirə edildiyini və hələ qaytarılmadığını bildirib. O, demokratik institutların və beynəlxalq təşkilatların dəstək göstərməməsi ilə bağlı təəssüfünü bildirib.
“Azadlıq” qəzetinin redaktorunun birinci müavini Rahim Hacıyev qəzetin vəziyyəti haqqında danışıb. Onun sözlərinə görə, hakimiyyət onlarla açıq müharibəyə başlayıb. O, gələn həftədən etibarən qəzetin borlar üzündən yenə nəşrini dayandıracağını bildirib.
O, həmçinin Seçkilərin Monitorinqi və Demokratiyanın Tədrisi mərkəzinin də hakimiyyətin təzyiqlərinə məruz qaldığını xatırladıb. -16C04-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz