Azərbaycanda ASAN Viza sistemi yaradılır. Məqsəd əcnəbilərin ölkəyə gəlmək üçün viza almasını sadələşdirməkdir.
Elektron sistemin layihəsi baxılmaq üçün bir ay ərzində dövlət başçısına təqdim olunacaq. Sistem işə başlayanda viza verilməsi üç gün ərzində mümkün olacaq.
Elektron vizaların siyahısı Azərbaycan XİN tərəfindən təsdiqlənməli və vizalar XİN-in təqdir etdiyi ölkələrin vətəndaşlarına verilməlidir. Bu barədə ASAN Xidmətin rəhbəri İnam Kərimov cümə günü yeni sistemin təqdimatı zamanı bildirib.
Mədəniyyət və turizm nazirinin müavini Nazim Səmədov deyib ki, viza verilməsi təkcə beynəlxalq hava limanlarında yox, bütün sərhəd-buraxılış məntəqələrində təmin edilməlidir. Onun sözlərinə görə, hazırda 12 ölkənin vətəndaşları aeroportlarda viza ala bilər: Çin, Cənubi Koreya, Yaponiya, Sinqapur, Malayziya, İndoneziya və Fars körfəzi ölkələri.
Vizaya görə dövlət rüsumu azaldılıb və 20 ABŞ dolları təşkil edir.
Təqdimat zamanı qeyd olunub ki, ASAN Viza sisteminin vizalarından 81 ölkənin vətəndaşları yararlana biləcək: ABŞ, Albaniya, Almaniya, Andorra, Argentina, Avstraliya, Avstriya, Belçika, BƏƏ, Bəhreyn, Bolqarıstan, Bosniya və Herseqovina, İngiltərə, Braziliya, Bruney, Cənubi Afrika, Çexiya, Çili, Çin, Danimarka, Estoniya, Əlcəzair, Finlandiya, Fransa, Hindistan, Xorvatiya, İndoneziya, İordaniya, İran, İrlandiya, İslandiya, İspaniya, İsrail, İsveç, İsveçrə, İtaliya, Kanada, Kipr, Cənubi Koreya, Kosta Rika, Kuba, Küveyt, Qatar, Qvatemala, Latviya, Lixtenşteyn, Litva, Lüksemburq, Macarıstan, Makedoniya, Malayziya, Malta, Meksika, Mərakeş, Monaco, Çernoqoriya, Monqolustan, Nepal, Hollandiya, Norveç, Oman, Pakistan, Panama, Polşa, Portuqaliya, Rumıniya, San Marino, Serbiya, Səudiyyə Ərəbistanı, Sinqapur, Slovakiya, Sloveniya, Sri Lanka, Tayland, Türkiyə, Türkmənistan, Vatikan, Vyetnam, Yaponiya, Yeni Zelandiya və Yunanıstan.-02D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz