Bakı/26.05.18/Turan: Ekologiya Nazirliyinin saytında mayın 26-dan etibarən vəhşi heyvanların və quşların ov mövsümünün açılması haqqında elan yerləşdirilib. Ov mövsümü 2019-cu il martın 16-na qədər davam edəcək.
Bu müddət ərzində Dağıstan turunun (mayın 26-dan oktyabrın 13-nə qədər, 1 baş, 3 nəfərdən az olmayan qrup ovçulara), qaban (15 sentyabr-22 dekabr, 1 baş, 3 nəfərdən az olmayan qrup ovçulara), dovşan (17 noyabr - 12 yanvar, 2 baş), bataqlıq qunduzu (6 oktyabr - 16 fevral) vurulmasına icazə verilib.
Quşlardan aşağıdakıların ovuna icazə verilib:
Cüllüt (15 sentyabr - 24 noyabr, 6 ədəd), qaz (13 oktyabr - 16 mart, 1 ədəd), ördək (13 oktyabr - 16 mart, 6 ədəd), qaşqaldaq (13 oktyabr - 16 mart, 6 ədəd), alabaxta və bildirçin (24 avqust - 17 noyabr, 6 ədəd).
Vəhşi quşlar ovçuluq təsərrüfatlarının ərazilərində və ya xüsusi müəyyən olunmuş ov sahələrində ovlana bilər.
Müvafiq icazə aldıqda, il boyu (çaqqal, yenot, ala qarğa və sağsağan) ovlanmasına icazə verilir.
Qaban Lənkəran, Astara, Lerik, Qax, Cəlilabad, Zaqatala, İmişli, Qusar, Xaçmaz, Neftçala, Yardımlı, Şəki və İsmayıllı; Dağıstan turu Zaqatala, Şəki, Qax, İsmayıllı, Quba, Oğuz; dovşan Dəvəçi, Kürdəmir, Salyan, Neftçala, Cəlilabad, Biləsuvar, Yevlax, Lənkəran, Zaqatala, Ağstafa, Qazax, Zərdab, Masallı, Quba, Xaçmaz, İmişli, Sabirabad, Saatlı ərazilərində ovlana bilər.
Ağdam, Göygöl, Goranboy, Daşkəsən, Gədəbəy, Tərtər və digər sərhədyanı və ya cəbhə zonasına yaxın inzibati rayonların ərazilərində, Xəzər dənizinin adalarında, yaşıl zonalarda, şəhərlərin və kurortların ətrafında yerləşən ən azı 1,5 kilometrə qədər sahələrdə, xüsusi mühafizə olunan ərazilərin daxilində və sanitariya-mühafizə zonalarında ov qadağandır.
Dünən Ekologiya Nazirliyinin nümayəndələri mətbuat konfransı keçirərək, ölkədə 20-25 min ovçu olduğunu elan ediblər. Amma "Ovçular birliyi" üzvlərinin biletləri etibarsızdır. Ov hüququna malik olmaq üçün Ekologiya Nazirliyindən bilet almaq lazımdır. 70 ildir mövcud olan "Ovçular birliyi"nə üzvlüyün niyə birdən-birə etibarsız olduğunu Ekologiya Nazirliyi izah etmir.
Bu idarənin məmurları ovçuların Ekologiya Nazirliyinin ov biletləriniəldə etmək üçün hara müraciət etməli olduqlarını və vəhşi heyvanların vurulması üçün lisenziyaların neçəyə olduğunu, "Ovçular birliyi"nə məxsus olan ovçuluq təsərrüfatlarının hazırki statusunu və s. açıqlamayıb. -02D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz