Cümə günü naməlum şəxslər Bakıda “Qasid” çap nəşrləri distribütor şirkətinin Həzi Aslanov və Səməd Vurğun küçələrinin kəsişməsindəki köşkünü ləğv etməyə cəhd ediblər.
Bu köşkün satıcısı Kamran Hüseynovun vəkili Fuad Ağayevin zəngi ilə hadisə yerinə Turan İnformasiya Agentliyinin direktoru Mehman Əliyev və agentliyin operatoru gəlib. Beş naməlum şəxs dərhal əkilib. Əliyev onlardan birinə qonşuluqda telefon satılan mağazada çatıb. Həmin şəxs adını deməkdən imtina edib, sadəcə, deyib ki, dövləti təmsil edir. Amma hansı dövləti təmsil etdiyini deməyib.
Sonra naməlum şəxs telefonla başqa bir naməlum şəxsi çağırıb. O, dolaşıq şəkildə deyib ki, “Qasid” firmasının adından, ya da Bakı ŞİH Ticarət Departamenti adından hərəkət edirlər. Amma yenə kim olduqlarını deməkdən imtina ediblər.
"“Qasid” ləğv edilib, ona görə köşkləri də ləğv olunur, onların yerinə Ticarət Departamentinin köşkləri qoyulur”, - deyə naməlum şəxs bildirib.
“Qasid” firmasının satış şöbəsinin müdiri Akif Qurbanov Əliyevin sualına telefonla cavab verərək bildirib ki, “Qasid”i mətbuat yayımı bazarından sıxışdırırlar, amma müəssisə bağlanmayıb və böyük itkilərlə işləməkdə davam edir. "Təkcə son ay yarımda şəhərin mərkəzindən 41 köşk götürülüb".
Qurbanov deyib ki, heç bir rəsmi qərar yoxdur, bütün tapşırıqlar şifahi verilir. Bu sistemdə işləyən işçiləri azad edirlər, Ticarət Departamentinin köşklərinə mətbuatla işləmək təcrübəsi olmayan şəxsləri götürürlər.
Müşahidələr göstərir ki, mobil mağazaya oxşayan yeni köşklər qəzetdən çox başqa şeylər satırlar. Onlar mətbuat bazarı ilə əlaqəsi olmayan iri ticarət şəbəkəsinə çevrilir. Nəticədə oxucuların çap nəşrlərinə çıxışı məhdudlaşır, qəzetlər tiraj itirir.
Aparıcı nəşrlərin redaktorlarının bu problemi qaldırmaq cəhdləri uğur qazanmadı. Prezident Administrasiyasının problemi həll etmək vədi vəd olaraq qaldı, köşklərin ləğvi prosesi isə sürət götürür. Min köşkdən iki yüzdən azı qalıb.
Bu gün bir sıra KİV və jurnalist təşkilatlarnın rəhbərləri Həzi Aslanov və Səməd Vurğun küçələrinin kəsişməsindəki 57 saylı köşkü məhkəmə yolu ilə də olsa qorumaq və köşklərin və Azərbaycanda mətbuat yayımı şəbəkəsinin qorunması barədə proses başlamaq barədə qərar qəbul ediblər –0-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz