Bakı/11.06.18/Turan: Ümidlərə baxmayaraq, Azərbaycanda insan hüquqları sahəsində vəziyyət yaxşılaşmayıb və birinci yarımildə müsbət dəyişikliklər baş verməyib, əksinə, yeni repressiyalar dalğası başlayıb. Bu barədə Siyasi Məhbusların Monitorinqi Mərkəzinin Azərbaycanda insan hüquqları sahəsində vəziyyət haqqında yarım illik hesabatında bildirilib.
Növbədənkənar seçkilər ənənəvi olaraq müxalifətə təzyiq, həbslər və cəmiyyətdə qorxu salınması şəraitində keçirilib.
Xüsusən, fevralın 5-də "Müsəlman Birliyi" Hərəkatının iki fəalı - Samir Babayev və Mahir Quliyev inzibati qaydada 60 gün müddətinə həbs edilib.
Fevralın 27-də "Müsəlman Birliyi" Hərəkatının fəalı Rəvan İsmayılov RF-dən qayıdarkən qanunsuz narkotik dövriyyəsi ittihamı ilə həbs edilib.
Bundan başqa, müxalifət qüvvələrinin 10 mart mitinqi ərəfəsində Xalq Cəbhəsi Partiyasının altı fəalı inzibati qaydada həbs edilib, 100-dən çox müxalifətçi isə polisə çağırılıb və təhdidlərə məruz qoyulub.
13 mart və 14 aprel mitinqlər ərəfəsində də inzibati həbslər olub.
31 mart mitinqindən sonra gənc fəal Fatimə Mövlamlı yoxa çıxıb. Məlum olub ki, o, DİN-in Mütəşəkkil Cinayətkarlığa qarşı Mübarizə Baş İdarəsinin zirzəmisində saxlanırdı və təzyiqə məruz qoyulurdu. O, başına gələnlər böyük ictimai rezonans doğurduqdan beş gün sonra azad edilib.
Martın əvvəllərində siyasi mühacir, Fransada Azərbaycan səfirliyi qarşısında etiraz aksiyasında iştirak etmiş Rəşad Qurbanovun qardaşı Fuad Qurbanov Mingəçevir polisində döyülüb, daha sonra 30 gün müddətinə həbs edilib.
R.Qurbanovun qaynı İlkin Quliyev Şəkidə 30 gün müddətinə həbs edilib.
Repressiyalar dalğası prezident seçkilərindən sonra da davam edib. Belə ki, 31 mart mitinqindən əvvəl 30 gün müddətinə həbs edilmiş fəal Orxan Baxışlı azadlığa çıxdıqdan 10 gün sonra yenidən həbs edilib. Bu dəfə ona qanunsuz narkotik dövriyyəsi ilə bağlı cinayət ittihamı irəli sürülüb.
Bu, mayın 3-də Baxışlı Ümumdünya Mətbuat Günündə jurnalist Elmar Hüseynovun məzarı başında qətldə Azərbaycan hakimiyyətini ittiham etdikdən sonra baş verib.
Mayın 9-da AXCP fəalı, ağır xəstə olan Mirfeyzulla Seyidov böyük ölçüdə narkotik maddənin qanunsuz dövriyyəsi ittihamı ilə həbs edilib. Bu, sosial şəbəkələrdə narazılıq doğurub. İki həftə sonra Seyidov ev dustaqlığına keçirilib.
Mayın 28-də qeyd edilən AXC-nin yüz illiyi ərəfəsində AXCP fəalı Əflatun Səfərov və müsavatçı Elvin Abdullayev 30 günlük inzibati həbsə məruz qoyulub.
Mayın 25-də AXCP fəalları Aqil Məhərrəmov, Ruslan Nəsirli və Babək Həsənov həbs edilib. Onlar Gədəbəy rayonunun keçmiş icra hakimiyyəti başçısı Saleh Rüstəmov və qardaşı oğlu Vidadi Rüstəmli ilə birlikdə məsuliyyətə cəlb edilib. Onların hamısını "çirkli pulların yuyulmasında" ittiham ediblər, bu, RF-də Azərbaycanlı biznesmenlərdən yığılan ianələrin AXCP-yə verilməsindən ibarət olub.
Mayın 28-də AXC-nin 100 illiyi ilə əlaqədar yürüşdə REAP partiyasının beş fəalı 10 gündən 30 günə qədər inzibati qaydada həbs edilib.
Hesabat müəllifləri qeyd edirlər ki, 100 illik münasibətilə gözlənilən əvf ümidləri doğrultmayıb.
Əvf 160 məhbusdan 12-nə şamil edilib, onların yarısının cəza müddətinin bitməsinə bir neçə gün və ya həftə qalmışdı.
"Azərbaycan hakimiyyəti narazı vətəndaşlara qarşı repressiya siyasəti aparır, insan hüquqlarını kobud şəkildə pozur. Ölkədə vətəndaş cəmiyyəti institutları talan edilib, dindarların hüquqları amansız şəkildə tapdalanır, məhkəmələr hakimiyyətin sifarişlərini yerinə yetirir", deyə Siyasi Məhbusların Monitorinqi Mərkəzinin rəhbəri Elşən Həsənov bildirib.
* Siyasi Məhbusların Monitorinqi Mərkəzi 2012-ci ilin oktyabrında bir qrup keçmiş "vicdan məhbusu" tərəfindən yaradılıb. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz