Bakı/16.05.20/Turan: Azərbaycanda ard-arda səkkiz gün – mayın 23-dən 30-dək qeyri-iş günü olacaq. Müvafiq sərəncamı ötən gün baş nazir Əli Əsədov imzalayıb.
Uzun istirahət günləri xüsusi karantin rejimi ilə əlaqədar və iş və qeyri- iş günlərinin ardıcıllığını təmin etmək məqsədilə elan edilir.
Hökumətin qərarına əsasən 27 may iş günü 31 may istirahət gününə keçirilir.
29 may qeyri-iş günü elan edilir.
Həftədə altı gün çalışanlar üçün 23 may və 30 may qeyri-iş günləri elan edilir.
Beləliklə, mayın 23-ü şənbə günündən başlayaraq mayın 30-dək ölkədə 8 gün ard-arda istirahət günü olacaq.
Qeyd edək ki, mayın 24-25-də Azərbaycanda Ramazan bayramı qeyd olunur və bu günlər iş günü hesab edilmir.
24 may bu il bazar gününə düşdüyündən növbəti iş günü- 26 may istirahət günü elan edilib. Həmçinin Respublika Günü kimi qeyd olunan 28 May bayram günüdür. –06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz