Açiq mənbələrdən foto.
Bakı/16.05.20/Turan: 17 saylı koloniyada koronavirusa yoluxma halları qeydə alınıb və artıq bir neçə gündür ki, müəssisədə karantin rejimi elan edilib, azadliq.info bildirib.
Mənbənin məlumatına görə, hətta vəkillərə koloniyada müttəhimlərlə görüşə imkan vermirlər.
Həmçinin “Azadlıq” qəzetinin əməkdaşı Elçin İsmayıllının guya maska taxmamaq bəhanəsi ilə beş sutka karserə salındığı bildirilir.
Əslində İsmayıllının cəzalandırılmasına səbəb onun koronavirusa qarşı mübarizə tədbirlərinin düzgün tətbiq edilməməsi ilə bağlı koloniya rəhbərliyinin hərəkətlərini tənqid etməsidir.
Penitensiar Xidmətdən şərh almaq hələlik mümkün olmayıb.
17 saylı koloniyada “Müsəlman Birliyi” Hərəkatının fəalı Əhsən Nuruzadə və “Gəncə işi” üzrə məhkumlardan bir neçəsi cəza çəkir.
Onlar hüquq müdafiəçiləri tərəfindən siyasi məhbus kimi tanınıblar.—06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz