Rabitə və yüksək texnologiyalar naziri Əli Abbasovun Skype, Facebook və WhatsApp xidmətlərinin lisenziyalaşdırılması barədə dünənki bəyanatı ekspert cəmiyyətində təəccüb doğurub.
Ə.Abbasov öz ideyasını onunla izah edib ki, Azərbaycanda bəzi xidmətlər lisenziyalaşdırılıb, odur ki, bunun Skype, Facebook və WhatsApp xidmətlərinə də şamil edilməsi məqsədəuyğun olardı.
O həmçinin deyib ki, oktyabrda Azərbaycanda regionda Trier3 səviyyəsində ən iri DATA-mərkəz istismara veriləcək. Bu, regionda məlumatların hazırlanması üzrə ilk mərkəz olacaq, ondan başqa ölkələr də istifadə edə biləcəklər.
Media hüququ sahəsində ekspert Ələsgər Məmmədli nazirin bu fikirlərini Turan-a şərh edərkən deyib ki, Ə.Abbasovun sadaladığı resurslar İnternet vasitəsilə fəaliyyət göstərir. Azərbaycanda bu sahə lisenziyalaşdırılmır.
“Onlar Azərbaycanda hər hansı resursdan və tezlikdən istifadə etmirlər, İnternet vasitəsilə fəaliyyət göstərirlər. Sənə məxsus olmayanı lisenziyalaşdırmaq olmaz. Bu şirkətlər xaricdə yerləşir və İnternetdə fəaliyyət göstərirlər. Onlar deyə bilərlər ki, əgər istəmirsinizsə bizim xidmətlərdən istifadə etməyin. Lakin bu xidmətlərin dayandırılması vətəndaşlar arasında informasiya mübadiləsinə zərbədir, İnternet azadlığının pozulmasıdır və ölkənin imicinə ciddi zərər vuracaq”, - Ə.Məmmədli bildirib.
Eyni zamanda ekspert beynəlxalq hüquq normaları çərçivəsində tərəflər arasında qarşılıqlı öhdəliklərlə bağlı müqavilələrin bağlanmasını mümkün hesab edir.
Məsələn, Azərbaycan hökuməti terrorizmə qarşı mübarizə məqsədilə sosial şəbəkələrdə profillərin bloklanması haqda Azərbaycan məhkəmələrinin qərarlarının yerinə yetirilməsini şirkətlərə təklif edə bilər. Lakin bu qərarları məhkəmələr qəbul etməlidir və beynəlxalq hüquqa uyğun olmalıdır, informasiya azadlığının məhdudlaşdırılması xarakteri daşımamalıdır.
Bəzi ölkələr, məsələn, Türkiyə sosial şəbəkələrə girişə müvəqqəti məhdudiyyət qoyub, lakin onları lisenziyalaşdırmayıb. İnternetə məhdudiyyətlər yalnız ən avtoritar rejimlərdə - Şimali Koreya, Çin, həmçinin İranda mövcuddur, -Ə.Məmmədli qeyd edib.
İnternet Forumun rəhbəri Osman Gündüz ölkə qanunvericiliyində sosial medianın lisenziyalaşdırılması haqda tələblərin olmadığını deyib.
Qanunda lisenziyalaşdıırlmaya şamil edilən rabitə xidmətləri sadalanıb. Ə.Abbasovun sadaladığı resurslar bura aid deyil.
Beynəlxalq praktikada “sosial medianın lisenziyalaşdırılması” anlamı yoxdur.
Eyni zamanda bəzi ölkələrdə, məsələn, RF, Türkiyə, Belarusda şəxsi informasiyanın, uşaqların müdafiəsi və s. məqsədlə İnternetdə müəyyən məhdudiyyətlər var.
Qanunsuz kontent və zərərli informasiya ilə mübarizə bütün İnternetin məhdudlaşdırılması, digər istifadəçilərin hüquqlarının pozulması hesabına həyata keçirilməməlidir. Çünki bu, informasiya azadlığını pozur, - O.Gündüz vurğulayıb.
O həmçinin diqqəti ona yönəldib ki, prezident İlham Əliyev hər zaman qeyd edir ki, Azərbaycanda İnternet azaddır.
Digər tərəfdən, Facebook, Twitter, Skype kimi şirkətlər böyük büdcəsi olan qurumlardır, onlarla əməkdaşlıq etmək daha yaxşıdır, nəinki münaqişə aparmaq.–06B-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz