Açiq mənbələrdən foto.
Azərbaycanda “zərərli” saytları bloklamaq üçün anonimayzerləri bağlamaq istəyirlər
Bakı/05.06.20/Turan: Azərbaycanda anonimayzerlər – ölkədə bloklanmış saytlara – “Meydan” TV, “Azadlıq” radiosu, “Azadlıq” qəzeti, “Turan” TV və “Azərbaycan saatı” giriş imkanları yaradan proqramlar bağlana bilər .
“Meydan” TV-nin məlumatına görə, Ali Məhkəmənin Plenumu bu qərarı Rabitə və Yüksək Texnologiyalar Nazirliyinin kassasiya şikayəti əsasında çıxarıb.
İlk dəfə Rabitə və Yüksək Texnologiyalar Nazirliyi hələ 2017-ci ilin aprelində Azərbaycanda adı çəkilən beş saytın bloklandığı zaman anonimayzerlərin bloklanmasını məhkəmədə tələb etmişdi. Səbayel Rayon Məhkəməsi iddianın bu hissəsini təmin etməmişdi, Bakı Apellyasiya və Ali Məhkəmə isə qərarı qüvvədə saxlamlşdı. Üç il sonra nazirlik bu məsələni yenə qaldırıb və Ali Məhkəmənin Plenumuna əlavə kassasiya şikayəti verib.
Xatırladaq ki, sözügedən saytlar Azərbaycan hakimiyyətinin siyasətini kəskin tənqid edirlər. Məhz bu səbəbdən onlar ölkə ərazisində bloklanıb. Lakin bu resurslar Facebook və Youtube-da uğurla fəaliyyət göstərir, buna görə anonimayzerlərin bloklanması arzuedilən nəticəni verməyəcək.
Media sahəsidə hüquqşünas Xalid Ağəliyev hesab edir ki, Rabitə Nazirliyi bloklamanın arealının daha da genişləndirilməsini tələb edir. 2017-ci ildə nazirlik 5 resursun bloklanması üçün məhkəməyə müraciət edəndə iki tələb irəli sürmüşdü. Tələb edilirdi ki, həm 5 sayt, həm də onların Facebook və Youtube səhifələri bloklansın, habelə, həmin saytların materiallarını yayan saytlar bloklansın.
Həmin vaxt məhkəmələr yalnız birinci tələbi təmin etdilər, 5 medianın saytı blok edildi. İndi ikinci tələbin də təmin edilməsi istənilir. Ali Məhkəmənin Plenumu nazirliyin bu tələbini əsaslı hesab etdiyindən əvvəlki bütün qərarları ləğv edib, işə yenidən baxılması üçün Apellyasiya Məhkəməsinə göndərib.
Hazırda saytların bloklanmasından cameleo.xyz , NoBlockMe.ru, daidostup.me, www.sostav.ru , browsec və başqaları vasitəsilə yan keçmək mümkündür.
Digər ölkələrdə anonimayzerlərin bloklanması praktikası uğursuz olub. –02D-
-
- Cəmiyyət
- 5 İyun 2020 16:20
Cəmiyyət
-
Bazar günü Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir.
-
Azərbaycan bu il noyabrın 11-dən 22-nə kimi BMT-nin İqlim Dəyişikliyi Konfransına (COP29) ev sahibliyi edəcək. Rəsmi məlumatlara görə, ölkəyə 11 gün davam edən bu tədbirə qatılmaq üçün 50-70 min civarında qonağın gəlməsi planlaşdırılır.
-
Şənbə günü Bakıda və Abşeron yarımadasında yağıntı gözlənilmir, şimal-qərb küləyi cənub küləyi ilə əvəz olunacaq.
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
Rəy yaz