Azərbaycanın Avropa Oyunlardakı uğuruna legionerlərin töhfəsi

Azərbaycanlı idmançıların Avropa Oyunlarında uğuruna “legionerlər” böyük töhfə verib.

Azərbaycan nümayəndələrinin qazandığı 58 medaldan (gimnastikanın müxtəlif növləri üzrə 3 bürünc komanda medalı daxil olmaqla) 23-ü əcnəbilərin payına düşüb.

Bu zaman 5 medal, o cümlədən bir qızıl medal qazanmış Ukraynalı gimnast Oleq Stepkonun uğurunu xüsusi qeyd etmək lazımdır.

Bununla belə, qeyd etmək lazımdır ki, bir çox legionerlər ölkənin idman federasiyaları tərəfindən bir neçə il əvvəl cəlb ediliblər və onlar Azərbaycanda yetişkin idmançı olaraq formalaşıblar.

Məsələn, Mariya Stadnik vaxtilə qadın güləşi üzrə Ukrayna yığmasının əsas heyətinə düşməyib və Azərbaycana dəvət edilib.

2012-ci ildə o, Azərbaycanın tərkibində London Olimpiyadasında gümüş mükafatçı olub, Avropa Oyunlarında qızıl medal qazanıb.

London Olimpiyadasında bürünc mükafatçı olan Şimali Osetiyalı Xetaq Qazyumov Bakıda Oyunların qalibi olub.

Sevastopollu Marina Durunda altı yaşından Kiprdə yaşayıb. 15 yaşına qədər bu ölkədə bütün yarışları qazansa da, ona vətəndaşlıq verməyiblər. Bundan sonra o, Azərbaycan bədii gimnastika federasiyası tərəfindən dəvət edilib və Avropa Oyunlarında Durunda ikinci yeri tutub. -06D-