Azərbaycanın su ehtiyatları 10-15% azalıb

Bakı/15.05.21/Turan: “Planetimizdə orta temperaturun artması ilə bərabər yerli yağıntı trendləri və ekoloji zonaların sərhədləri dəyişir, su ehtiyatlarının azalması və buzlaqların əriməsi muşahidə olunur”.  Milli Hidrometeorologiya Xidmətinin rəis müavini Rafiq Verdiyevin bi fikirləri Ekologiya və Təbii Sərvətlər Nazirliyinin saytında yer alır.

Onun deməsinə görə, iqlim dəyişmələrinə məcburi uyğunlaşma vasitələri adi hala çevrilməkdədir. “Son 30 ildə temperaturun artımı 1°C-dən də yüksəkdir ki, bunun da nəticəsində Azərbaycanın su ehtiyatları 10-15 faiz azalıb.

Verdiyev vurğulayır ki, gələcəkdə orta temperaturun 2°C və daha çox artması senarilərinə uyğun olaraq su resurslarının paylanmasında fundamental dəyişikliklərə uyğunlaşmaq üçün müxtəlif tədbirlər planlaşdırılır.

Onun fikrincə, bu tədbirlərin icrası nəticəsində gələcəkdə mümkün su defisitlərinin qarşısını kifayət qədər almaq olar.

Verdiyev əlavə edir ki, bu tədbirlər sırasına indi 40%-ə yaxn olan su itkilərinin azaldılması, su təsərrüfatlarının yenidən qurulması, yağış və təmizlənmiş dəniz suynadan istifadə və s. daxildir. -05D-