![Azərbaycanlı hərbçilərin nəşi döyüş yerindən götürülüb (YENİLƏNİB)](https://turan.az/resized/media/2017/main/022600184254-750-500-resize.webp)
Azərbaycanlı hərbçilərin nəşi döyüş yerindən götürülüb (YENİLƏNİB)
Fevralın 27-də saat 16:47-də Azərbaycan Müdafiə Nazirliyinin mətbuat xidməti bildirib ki, fevralın 25-də Xocavənd istiqamətində (Qarabağın cənubu) baş vermiş döyüşlər zamanı həlak olan hərbi qulluqçuların cəsədləri neytral zonadan götürülüb.
Cəsədlərin götürülməsi Beynəlxalq Qırmızı Xaç Komitəsi və ATƏT nümayəndələrinin vasitəçiliyilə baş tutub.
Tərəflər cəsədlərin götürülməsi barədə fevralın 26-da razılığa gəlmişdilər, ancaq sonda baş tutmamışdı. Bakı bunda erməni tərəfini, ermənilər isə Azərbaycanı ittiham etmişdilər.-02D-
2017 Fevral 27 (Bazar ertəsi) 11:08:38
Bazar ertəsi səhər Azərbaycan Müdafiə Nazirliyi nəhayət həlak olanların adlarını açıqlayıb:
Aqşin Abdullayev, Şahlar Nəzərov, Tural Həşimli, Zülfi Qədimovun, Zakir Cəfərov.
"Fevralın 26-da saat 12-də Qırmızı Xaç Komitəsinin və ATƏT-in iştirakı ilə cəsədlərin çıxarılması üzrə tədbirlər planlaşdırılırdı. Amma prosedur başladıqda Ermənistan tərəfi yeni, qəbuledilməz şərtlər irəli sürüb", deyə məlumatda bildirilir. Hərbi idarə bu şərtlərin nədən ibarət olduğunu açıqlamır.
Eyni zamanda, cəbhənin digər hissələrində diversiya cəhdləri olub və atışmalar aparılıb, xəbəri Azərbaycan Müdafiə Nazirliyi yayıb.-02D-
* * *
Azərbaycan Müdafiə Nazirliyi hələ də fevralın 25-nə keçən gecə döyüş əməliyyatlarında həlak olan hərbiçilərin adlarını açıqlamayıb. İtkilərin sayı da məlum deyil.
Bu arada, sosial şəbəkələrdə həlak olanların yaxınları onlardan ikisinin adını açıqlayıblar: mayor Aqşin Abdullayev və baş leytenant Turan Həşimli.
Öz növbəsində, Ermənistan mənbələri iddia edirlər ki, həlak olanların sayı ən az beş nəfərdir və onların cəsədləri neytral zonadadır.
Bir müddət əvvəl Minsk Qrupunun həmsədrləri tərəflərə həlak olanların cəsədlərini götürməyə imkan vermək xahişi ilə müraciət ediblər. -02D-
-
- Cəmiyyət
- 27 Fevral 2017 16:55
-
- İqtisadiyyat
- 27 Fevral 2017 17:17
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz