![Açiq mənbələrdən foto.](https://turan.az/resized/750/500/resize/media/2022/main/031100046060.jpg)
Açiq mənbələrdən foto.
Azərbaycanlı qadın fəallar Ukraynaya qarşı müharibəni pisləyiblər
Bakı/11.03.22/Turan: Azərbaycan vətəndaş cəmiyyətinin bir qrup qadın fəalı Ukraynada müharibə ilə əlaqədar dünya ictimaiyyətinə müraciət edib.
Onlar dövlət rəhbərlərini, beynəlxalq strukturları, qadın təşkilatlarını və sülh hərəkatlarını Ukraynada müharibənin tezliklə dayandırılması üçün hər cür səy göstərməyə çağırıblar.
"Biz dinc əhalinin, xüsusilə qadınların və uşaqların kütləvi qətl edilməsini pisləyirik.
Biz dinc şəhərlərin və yaşayış məntəqələrinin amansızcasına bombalanmasına, infrastrukturun, təbiətin, tarixi abidələrin və mədəni irs obyektlərinin məhv edilməsinə etiraz edirik. Biz müharibə nəticəsində ziyan dəymiş şəhər və regionların sakinlərinə humanitar yardımların təşkil olunmasını xahiş edirik", - müraciətdə deyilir.
Onlar "Ukrayna ərazisində qanunsuz yerləşən bütün silahlı birləşmələrin" çıxarılmasını tələb ediblər.
"Nüvə eskalasiyası riski və Ukrayna ərazisində atom elektrik stansiyalarına ziyan dəyməsi geri dönməz nəticələrə və qlobal ümumbəşəri fəlakətə səbəb ola bilər", - müraciət müəllifləri vurğulayırlar.
Onlar həmçinin qeyd edirlər ki,"Rusiyaya tətbiq edilən sanksiyaların nəticələri bu ölkədə böhrana səbəb olacaq və heç bir günahı olmayan vətəndaşları humanitar fəlakətə sürükləyəcək".
"Ermənistanla 30 ildən çoxdur davam edən silahlı münaqişə hər iki xalqa böyük acı gətirdi. İtkilərimizi bərpa etmək üçün onilliklər lazımdır, lakin heç kim insan həyatını geri qaytarmayacaq. Biz, Azərbaycan qadınları başqa xalqlar üçün bu faciələrin təkrarlanmasını istəmirik, anaların öz oğullarını, qadınların ərlərini, uşaqların valideynlərini itirməsini istəmirik", - müraciətdə qeyd olunur.
Müraciəti vətəndaş cəmiyyətinin 30-a yaxın nümayəndəsi, o cümlədən hüquq müdafiəçiləri Novella Cəfəroğlu, Arzu Abdullayeva, Dilarə Əfəndiyeva, Mehriban Zeynalova, Mirvari Qəhrəmanlı və başqaları imzalayıblar.-06B-
-
- Cəmiyyət
- 11 Mart 2022 15:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz