Azərbaycanlı qəhrəman - qazax Yerbol haqqında kitab dərc olunub

Oktyabrın 16-da Almatıda yazıçı Nəsiha Xumarqızının yazdığı “Yerbol-Qarabağ şəhidi” kitabının təqdimatı olub. İki gün əvvəl Bakıda, Azərbaycan Elmlər Akademiyasının Elmi Kitabxanasında kitabın təqdimatı keçirilib.

Kitabda Qazaxıstanlı sadə cigit Yerbol Barımbekovun həyatından və şücaətindən bəhs edilir. O, dəfələrlə düşmənin arxa cəbhəsində ağır kəşfiyyat tapşırıqlarının yerinə yetirilməsində iştirak edib, yaralanıb. Hospitalda müalicə olunub və müharibəyə qayıdıb. Hər yaralanıb müalicə olunan əsgər döyüşən orduya qayıtmır. Düşmənin arxa cəbhəsində döyüş tapşırığının yerinə yetirilməsi zamanı Yerbol 20 aprel 1994-cü il tarixində döyüşdə qəhrəmancasına həlak olub. Tərtər rayonunun erməni ordusunun hücumundan müdafiəsində Yerbol Barımbekovuş şəxsi xidməti var.

Yerbol Barımbəyovun qəhrəmanlığı, Azərbaycanda ömür yolu və ölümü haqqında Turan.az-da “Azərbaycanın əslən qazax olan tanınmayan qəhrəmanı” sərlövhəli məqaləsində bəhs edilib.

Azərbaycan Ordusunun 776 saylı briqadanın kəşfiyyatçısı Yerbol Barımbekov 1 iyun 1974-cü il tarixində Qazaxıstanın Luqovski rayonunun Koraqatı kəndində dünyaya gəlib. Ömrünün son 20 ilində Azərbaycanı erməni təcavüzündən qoruyub. Müharibənin başa çatmasına təxminən iki həftə qalmış – 20 aprel 1994-cü il tarixində Ağdərə-Tərtər istiqamətində döyüş tapşırığını yerinə yetirərkən həlak olub. Yerbolun Azərbaycan ordusunda xidməti haqqında jurnalistlərə və kitabın müəllifinə onun əsgər yoldaşları - 706-cı briqadanın veteranları danışıb.

“Biz Bakıda 2-ci Şəhidlər Xiyabanında Yerbolu ziyarət etdik. Qəhrəmanın qardaşı Nurbol oğlu Yerbolatla birlikdə gəlib. Rəhmətlik anası birinci nəvəsini Yerbolat adlandırıb ki, Yerbolun adı yaşasın. Xiyaban çiçəklərlə, bayraqlarla dolu idi, güclü və bir qədər soyuq külək əsirdi. Amma, düşünürəm ki, bizim gəlişimiz Yerbolun ürəyini isidib”, deyə yazıcı Nəsiha Xumarqızı Turan-a bildirib.