Azərbaycanlı siyasi mühacirlər AFR-in şəhərlərində etiraz aksiyaları keçiriblər
Yanvarın 25-də Almaniyanın Passau və Deggendorf şəhərlərində bir qrup siyasi mühacir Azərbaycanda fəalların və jurnalistlərin həbsləri ilə bağlı etiraz aksiyası keçirib.
Aksiyanın təşkilatçılarından Rövşən Tamrazov bildirib ki, aksiyada xüsusilə professor Qubad İbadoğlunun həbsindən sonra siyasi fəallara qarşı repressiya dalğasının gücləndiyi qeyd edilib.
Eyni zamanda Kanal-13 internet televiziyasının rəhbəri Əziz Orucovun, Abzas Media onlayn nəşrinin baş redaktoru Sevinc Vaqifqızının, araşdırmaçı jurnalist Hafiz Babalının və digər şəxslərin həbsinə diqqət çəkilib.
Aksiya iştirakçıları həbs edilmiş jurnalistlərin və fəalların azad edilməsini tələb ediblər.
Onlar alman, Azərbaycan və ingilis dillərində plakatlar qaldırıblar.
Aksiya Almaniyanın mətbuat orqanlarının binaları qarşısında və ictimai aktivlik olan yerlərdə keçirilib.
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz