Azercell elektron və audio kitablarla IX Bakı Beynəlxalq Kitab Sərgisində çıxış etdi
Lider mobil operator mütaliə mədəniyyətinin inkişafına dəstək olmaq məqsədilə sərgidə rəqəmsal kitabxanası ilə çıxış etdi
Azercell Bakı Ekspo Mərkəzində Ümummilli Lider Heydər Əliyevin 100 illik yubileyinə həsr olunan 9-cu Bakı Beynəlxalq Kitab Sərgisinin sponsoru qismində çıxış etdi. Şirkət rəqəmsal kitabxanasını rəsmi tərəfdaşı olduğu və yerli bazarda eksklüziv endirimli tariflərlə təqdim etdiyi “Litres” və “Bookmate” mobil tətbiqləri ilə sərgilədi. Azercell innovativ tendensiya və xidmətləri ölkəmizə gətirməklə yanaşı, Azərbaycan ədəbiyyatının və mütaliə mədəniyyətinin təbliğatı naminə rəqəmsal kitabxana çərçivəsində elektron, audio kitabları, podkastları və digər formatlarda məzmunu dörd xarici dildə beynəlxalq platformalar vasitəsilə oxuculara təqdim etdi.
Qeyd edək ki, sərginin açılış günündə iştirak edən Mədəniyyət və Turizm naziri cənab Adil Kərimli başda olmaqla, sərginin rəsmi qonaqları Azercell-in audio və elektron kitab layihələri ilə yaxından tanış olub, Azərbaycanda elektron kitaboxuma imkanının mövcudluğunu təqdirəlayiq hal kimi qiymətləndirdilər. “Azercell Telekom” MMC-nin Tərəfdaşlarla Münasibətlər şöbəsinin direktoru Nigar Şıxlinskaya qonaqlara şirkətin mədəni layihələri davamlı şəkildə dəstəklənəcəyini vurğuladı: ”Biz korporativ sosial məsuliyyət prinsiplərimizə sadiq qalaraq, sosial layihələrə, xüsusilə də texnoloji imkanlar vasitəsilə insan həyatının keyfiyyətinin artırılmasına və Azərbaycan mədəniyyətinin tanıdılmasına xidmət edən layihələr həyata keçiririk. Elektron kitabxana layihəmizin məqsədi də Azərbaycan ədəbiyyatının dünyanın istənilən nöqtəsində əlçatanlığını təmin etmək, Azərbaycan dilində keyfiyyətli məzmun yaratmaq, doğma yazıçılarımızı dünya səviyyəsində tanıtmaq məqsədi daşıyır. Tezliklə isə Ümummilli Lider Heydər Əliyevin 100 illik yubileyinə həsr etdiyimiz audiokitab layihəmizin növbəti toplusunu təqdim edəcəyik”.
Xatırladaq ki, Azercell sərgidə iştirak edən yeganə mobil operator oldu. ®
-
- İqtisadiyyat
- 17 Noyabr 2023 13:28
-
- Maliyyə
- 17 Noyabr 2023 13:54
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz