![Azercell “Nömrə sifarişi” xidmətini təqdim edir](https://turan.az/resized/news/2024/MuXZDSu22Ip6t249Vr0PgxV4wTuM9LwIQ0M7sTY7-750-500-resize.webp)
Azercell “Nömrə sifarişi” xidmətini təqdim edir
Azercell “Nömrə sifarişi” xidmətini təqdim edir
Artıq müştərilər almaq istədikləri nömrənin satışa çıxarılmasını gözləmədən onu sifariş edə biləcəklər
Azercell 31.07.2024 tarixindən etibarən "Nömrə sifarişi" xidmətini təqdim edir. Belə ki, müştərilər istədikləri nömrənin satışa çıxarılmasını gözləmədən www.azercellim.com-un yeni funksiyası üzərindən Azercell nömrəsinin satışa hazırlanmasını sifariş edə biləcəklər. Onu da qeyd edək ki, nömrə sifarişi xidməti tamamilə ödənişsizdir.
Bunun üçün müştəri almaq istədiyi nomrəni www.azercellim.com saytında axtarış pəncərəsinə daxil etməlidir. Hal-hazırda satışda olmayan, lakin hazırlana biləcək nömrə üçün yeni bir səhifə açılacaq. Müştəri nömrənin qiymətini onlayn şəkildə odəyərək onun dərhal satışa hazırlanmasını sifariş edə biləcək.
Müştəri onun istəyi ilə hazır olan nömrəni Azercell-in rəsmi satış nöqtələrindən təhvil alacaq. Sifariş zamanı nömrənin qiymətini Taksit xidməti çərçivəsində də ödəmək mümkün olacaq.
Xatırladaq ki, BirKart istifadəçiləri Taksit xidməti ilə www.azercellim.com veb-səhifəsində qiyməti 100 AZN-dən yuxarı olan bütün Azercell nömrələrini onlayn qaydada 12 ayadək faizsiz taksitlə əldə etmək imkanına malikdirlər.
Daha ətrafli məlumat almaq və bu yenilikdən yararlanmaq üçün sadəcə www.azercellim.com səhifəsinə müraciət etmək kifayətdir. ®
-
- Maliyyə
- 31 İyul 2024 10:46
Cəmiyyət
-
İyulda Azərbaycan Ordusunun mühəndis qoşunlarının bölmələri 1184 hektardan artıq ərazini minalardan təmizləyib. Bu barədə çərşənbə günü Azərbaycan Müdafiə Nazirliyi məlumat yayıb.
-
“Bakcell” şirkətinin dəstəyi ilə qadınların İKT üzrə bilik və bacarıqlarının artırılmasına yönəlmiş xüsusi təqaüd proqramı davam edir. Proqram çərçivəsində iki ay müddətində baş tutacaq ixtisas təlimlərinə start verilib.
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
Rəy yaz