Azercell azad edilmiş ərazilərdə müştəri xidmətləri mərkəzini təqdim edən ilk və yeganə mobil operatordur
“Azercell Telekom” MMC işğaldan azad edilmiş ərazilərin yenidən qurulması və bərpası ilə bağlı mühüm missiyanın həyata keçirilməsinə öz töhfəsini verməyə davam edir. Şirkət Qarabağda telekommunikasiya xidmətləri göstərən ilk və yeganə müştəri xidmətləri mərkəzinin 1 illiyini qeyd edir. Bu münasibətlə 17-18 iyul tarixlərində lider operatorun prezidenti Zərinə Zeynalova və şirkətin nümayəndə heyəti Şuşa şəhərinə səfər ediblər.
Zərinə Zeynalova azad edilmiş ərazilərdə aparılan bütün işlərin şirkət üçün olduqca önəmli olduğunu vurğulayıb: “ Azad edilmiş ərazilərin yenidən qurulması və həyata qaytarılması işlərində fəal iştirak etmək bizim üçün strateji əhəmiyyət kəsb edir. 44 günlük Vətən müharibəsinin başladığı gündən etibarən şirkətimiz cəbhə boyu şanlı ordumuzun ardınca irəliləyərək azad edilmiş ərazilərdə ilk mobil infrastrukturu qurmağa müvəffəq olub. Hazırda Azercell bu əraziləri ən müasir texnologiyalarla təchiz edərək öz 4G şəbəkəsini Qarabağ boyu gücləndirir və genişləndirir. Bu günə kimi azad edilmiş ərazilərdə şirkətimizin 100-dən çox baza stansiyası işə salınıb. Şirkətimiz bu istiqamətdə olan fəaliyyətini var gücü ilə davam etdirəcək”.
Rəsmi tədbir iyul ayının 18-i Azercell-in Şuşa ofisində baş tutub. Tədbirdə çıxış edən şirkətin Satış və B2B blokunun direktoru Dəmir Dirim bu günün Azercell üçün tarixi əhəmiyyət daşıdığını bildirib. “Ötən il Azercell Qarabağda müştəri xidmətləri mərkəzini və rəsmi diler mağazasını istifadəyə verən ilk mobil operator oldu. Xüsusilə qürurvericidir ki, Eksklüziv tipli xidmət mərkəzimiz Azərbaycanın mədəniyyət paytaxtı olan Şuşa şəhərində fəaliyyətə başladı. Artıq bir ildir ki, Azercell-in digər ofislərində olduğu kimi, bu mərkəzdə də abunəçilərə bütün xidmət spektri təqdim edilir. Onu da qeyd edim ki, birinci rəsmi diler mağazamız “ağıllı kənd” konsepsiyası ilə tikilən Zəngilanın Ağalı kəndində istifadəyə verilib. Azercell olaraq azad edilmiş ərazilərdə abunəçilərimizə operativ xidmət göstərmək məqsədilə Qarabağda yerləşən mərkəzlərimizin sayını artırmağı planlaşdırırıq”,- deyə Dəmir Dirim qeyd edib.
Səfər çərçivəsində Azercell komandası həmçinin Şuşa şəhərinin tarixi-memarlıq abidələrini ziyarət edib, burada aparılan yenidənqurma və bərpa işləri ilə tanış olub. ®
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz