Hikmət Hacıyev Aİ ölkələrinin, Türkiyə, ABŞ, Böyük Britaniya və İsveçrənin səfirləri ilə görüşüb
Bakı/19.07.23/Turan: Azərbaycan prezidentinin xarici siyasət məsələləri üzrə köməkçisi Hikmət Hacıyev bu gün Avropa İttifaqına üzv ölkələrin Azərbaycandakı səfirləri ilə görüşüb. Aİ ölkələrinin səfirləri ilə yanaşı, görüşdə ABŞ, Türkiyə, İsveçrə və Böyük Britaniya diplomatları da iştirak ediblər.
Bu barədə Aİ-nin Azərbaycandakı nümayəndəliyinin rəhbəri Peter Mixalko bildirib.
"Bu gün qeyri-formal fikir mübadiləsi üçün Aİ səfirləri və İsveçrə, Türkiyə, Böyük Britaniaya və ABŞ-dan olan həmkarlarımızla birlikdə Azərbaycan prezidentinin xarici siyasət məsələləri üzrə köməkçisi Hikmət Hacıyevlə görüşmək xoş idi", deyə o, Twitter-də yazıb.
Almaniya səfiri Ralf Horleman da görüş haqqında yazıb.
"Aİ və tərəfdaşları ilə ədalətli və möhkəm sülhə aparan yol haqqında dəyərli müzakirələr üçün Hikmət Hacıyevə təşəkkür edirəm. Almaniya hər iki münaqişə tərəfini dəstəkləməyə sadiqdir", deyə o, öz Twitter hesabında yazıb. 06В
Siyasət
-
Avropa Şurasının prezidenti Şarl Mişel regionda gərginliyin artması fonunda Ermənistan və Azərbaycan arasında sülhün bərqərar olması üçün səyləri gücləndirir.
-
Müdafiə Nazirliyindən Turana bildirilib ki, iyulun 30-u xidmətdən kənar saatlarda Laçın rayonunda dörd hərbçi həlak olub. Kapitan Emnalıyev Asif, gizir Cəbrayılov Fərid, müddətdən artıq həqiqi hərbi xidmət hərbi qulluqçuları çavuş Səmədov Tural və çavuş Şahmarlı Emin Laçın rayonu ərazisində kükürd qazlı termal sularda çimərkən zəhərləniblər.
-
Çərşənbə axşamı ABŞ dövlət katibinin Avropa və Avrasiya üzrə köməkçisi Ceyms O'Brayen Senatın Xarici Əlaqələr Komitəsində çıxış edərkən Vaşinqtonun Azərbaycan və Ermənistana sülh müqaviləsi bağlamaqda kömək etmək səyləri və Rusiyanın bunu öz şərtləri əsasında həyata keçirmək cəhdləri barədə danışıb.
-
İyulun 31-də İranın yeni prezidenti Məsud Pezeşkian onun andiçmə mərasimi üçün Tehrana gələn Azərbaycanın Baş naziri Əli Əsədovu qəbul edib.
Rəy yaz