Azercell və GSMA əməkdaşlığı gücləndirir
Ölkənin lider mobil operatoru insan kapitalının inkişafına töhfə verir
“Azercell Telekom” MMC və Beynəlxalq GSM Assosiasiyası strateji tərəfdaşlığı gücləndirir. Cari ilin may ayında Bakıda baş tutan ikinci GSMA M360 konfransında aparılan danışıqlara əsasən bu əməkdaşlıq yeni sahələri əhatə etməyə başlayır.
Xatırladaq ki, GSMA münbit biznes mühitinin yaradılması, innovasiya və sosial dəyişikliyin təşviqi məqsədilə mobil ekosistemi bir araya gətirən qlobal təşkilatdır. Konfrans çərçivəsində Azercell və Assosiasiyasının rəhbər heyəti arasında keçirilən görüşdə süni intellektin telekommunikasiya sahəsində tətbiqi imkanları və ümumilikdə bu tərəfdaşlığın potensial inkişaf istiqamətləri müzakirə edilmişdir. Nəticədə “GSMA Advance”ın Azercell əməkdaşları üçün xüsusi təlimlər təşkil edəcəyi barədə razılıq əldə olunmuşdur.
Təlimlər Əşyaların interneti, mobil məxfilik və kibertəhlükəsizlik, telekommunikasiya siyasətinin tənzimlənməsi və digər bu kimi mühüm mövzulara toxunaraq şirkət əməkdaşlarının yeni dövrün iş bazarına uğurlu adaptasiyasına dəstək olacaq. Qeyd edək ki, kurslara artıq start verilib.
Ölkənin telekommunikasiya bazarının inkişafına töhfə verməyi hədəfləyən Azercell bu istiqamətdə GSMA ilə birgə yeni layihələr həyata keçirməyə davam edəcək. ®
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz