Bakı/31.07.17/Turan: 1926-cı ildə tikilmiş və dövlət mühafizəsinə götürülmüş "Elektrik dəmir yolu vağzalının binası" tarixi memarlıq abidə kompleksinin üzərində olan "Azercell Telekom" MMC-ə məxsus 5 tondan artıq mobil qurğular məcburi qaydada sökülüb. Bu barədə "Qəsr" Mədəni İrsi və Tarixi Abidələri Qoruyaq İctimai Birliyinin mətbuat xidmətinin məlumatında deyilir.
Mətbuat xidməti bildirir ki, Nazirlər Kabinetinin 02.08.2001-ci il tarixli qərarı ilə "Elektrik dəmir yolu vağzalının binası" dövlət mühafizəsinə götürülüb. Bununla yanaşı məhkəmənin 2016-cı il 28 aprel tarixli icra qərarı "Azercell Telekom" MMC tərəfindən uzun müddət qərəzli şəkildə icra olunmayıb.
"Borclu "Azercell Telekom" MMC müxtəlif instansiyalara ünvanlandırdığı qərəzli və əsassız müraciətləri əsasında məcburi icra hərəkətlərindən uzun müddət yayınırdı", -məlumatda qeyd olunur.
Mətbuat xidməti bildirib ki, nəhayət, Yasamal rayonu icra şöbəsinin məcburi icra qərarına əsasən iyulun 28-29-da "Elektrik dəmir yolu vağzalının binası" üzərindən "Azercell Telekom" MMC-yə məxsus qurğular yerləşdirilən 2 tondan artıq ağırlıqda olan konteyner və 3 tondan artıq mobil anten və ona aid avadanlıqlar məcburi qaydada "NETFRAME" şirkəti tərəfindən sökülüb. Söküntü işində icra məmuru və "Qəsr" Mədəni İrsi və Tarixi Abidələri Qoruyaq İctimai Birliyinin numayəndəsi iştirak edib. -03D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz