Açiq mənbələrdən foto.
Bakı/06.07.20/Turan: Azərbaycan Dövlət Televiziyasının iki əməkdaşı - Fikrət Adıgözəlov və Rövşən Binnətli COVİD-19-a yoluxub.
Onlar hər ikisi “İdman Azərbaycan” kanalında işləyirdilər və idman yarışlarından telereportajları ilə məşhurdurlar.
AzTV-nin ictimaiyyətlə əlaqələr şöbəsindən Adıgözəlov və Binnətlinin testlərinin müsbət nəticə verdiyini və onların xəstəxanaya yerləşdirildiyini təsdiq ediblər.
Telekanal əməkdaşları növbəli iş rejiminə keçirilib. Pandemiya başladığı gündən etibarən işə çıxan əməkdaşların sayı 3 mindən 1 minə qədər, son günlər isə daha da azaldılıb.
Ötən həftə dövlət televiziyasının iki əməkdaşı koronavirusdan dünyasını dəyişib. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz