Açiq mənbələrdən foto.
Bakı/12.08.21/Turan: Avqistun 11-də Gəncə Agır Cinayətlər Məhkəməsində hakim Dadaş İmanovun sədrliyi ilə 10 yaşlı Nərmin Quliyevanın öldürülməsində ittiham edilən İlkin Süleymanovun məhkəmə prosesi davam etdirilib. Hakim mərhum uşagın valideyinlərini dinlədikdən sonra prosesi sentyabrın 8-dək təxirə saldl.
Bu barədə Turana Suleymanovun vəkili Əlibaba Rzayev deyib.
“İşin bir aya yaxın müddətə təxirə salınması hakimlərin yay istirahəri ilə baglıdır,” vəkil deyib.
Məhkəmə qarşısında toplaşan 47-yaşlı Süleymanovun yaxınları "İlkinə azadlıq!", "Əsl cinayətkar cəzalandırılsın!" şüarları səsləndirib.
Əlibaba Rzayev bildirib ki, İlkin Suleymanovun azyaşlı qızı öldürməsini sübüt edən hər hansı dəlil yoxdur.
“Sadəcə 2019-cu ilin yanvarında Suleymanovun evinin yanına Nərminin yanmış meyitini atıblar və İlkin bu barədə polisə məlumat verib. Suleymanovu dərhal polis idarəsinə apararaq ondan 2019-cu il yanvarın 6-dan 10-dək zor tətbiq edərək özünə qarşı ifadə alınıb. Maraqlısı budur ki, Nərminin ailəsi həmin günlərdə prezidentə müraciət edərər İlkinin azadlıga buraxılması və həqiqi qatilin tapılmasını tələb ediblər. Amma sonra valideinlər tələblərinə zidd cıxaraq İlkini gunahlandırırlar. Qarşı tərəfin suallarına cavab verərək deyirlər ki, İlkini dövlət həbs edib, deməli müqəssir elə Suleymanovdur.”
Vəkil Rzayev hesab edir ki, polis müstəntiqi gunahı olmayan Suleymanovdan qanunsuz şəkildə izahat almaqla həqiqi qatilin ya qatillərin məsuliyyətdən qacmasına şərait yaradır.
“Məhkəməni yanlış tərəfə cəkməkdə maraqlı qüvvələr var,” o qeyd edib.
Nərmin Quliyeva Touz rayonunun Dondar Quşcu kəndində 2019-cu ilnoyabrin
21-də itkin düşüb, yanvarın 6-da qızın yanmış meyiti kənddə tapılıb.
Daxili İşlər Nazirliyi, Dövlət Təhlükəsizliyi Xidməti və Baş Prokurorluğun əməkdaşlarından ibarət istintaq-əməliyyat qrupu tərəfindən cinayətin açılması istiqamətində həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində cinayəti törətməkdə şübhəli bilinən Dondar Quşçu kənd sakini İlkin Süleymanov tutularaq istintaqa cəlb edilib.
İstintaq orqanı tərəfindən İlkin Süleymanovun barəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) və 145.3-cü (qanunsuz azadlıqdan məhrum etmə, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham elan edilib.-0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz