Bakı İƏT Jurnalistləri Assosiasiyası katibliyinin yaradılmasını təklif edir

Gələn il Bakıda İslam Əməkdaşlıq Təşkilatına (İƏT) üzv dövlətlərin Jurnalistləri Assosiasiyasının təsis konfransı keçiriləcək və onun katibliyi yaradılacaq. Bu barədə dövlət başçısının ictimai-siyasi məsələlər üzrə köməkçisi Əli Həsənov jurnalistlərə bildirib.

Bu ideya Azərbaycana məxsusdur. Ölkə bütün təşkilatı məsələlərin həllini öz üzərinə götürüb.

Belə qurumun əhəmiyyətinə toxunan Ə.Həsənov deyib ki, “islam dövlətləri jurnalistlərinin birlik və həmrəyliyi olduqca aktual məsələdir”.

O, qurumun nə ilə məşğul olacağını açıqlamayıb. Lakin Ə.Həsənovun konfransdakı çıxışına görə, müsəlman ölkələrinin maraqlarının müdafiəsi vacibdir. Əsasən islamı terrorla eyniləşdirmək cəhdlərinin qarşısı alınmalıdır. 

* İDT 1969-cu ildə Rabatda müsəlman dövlətləri başçılarının konfransında təsis edilib. Məqsəd sosial, iqtisadi və siyasi sahələrdə islam həmrəyliyinin təminatı, kolonializmə qarşı mübarizə və Fələstin Azadlıq Təşkilatının dəstəklənməsdir.

Təşkilatın mənzil-qərargahı Ciddədə (Səudiyyə Ərəbistanı) yerləşir. İDT nüfuzlu rəsmi beynəlxalq müsəlman təşkilatıdır. Hazırda qurum özündə 57 ölkəni birləşdirir.

İDT-nin rəhbər orqanları: kral, dövlət  başçıları və hökumətlərin görüşləri (sammit), xarici işlər nazirlərinin konfransı, Baş Katiblik və yardımçı orqanlar.-02D-