Açiq mənbələrdən foto.
Bakı İnsan Hüquqları Klubu Tofiq Yaqublunun barəsində hökmü pisləyib
Bakı/03.09.20/Turan: Bakı İnsan Hüquqları Klubu (BİHK) öz bəyanatında müxalifətçi siyasətçi Tofiq Yaqublunun barəsində bugünkü ittiham hökmünü pisləyib.
T.Yaqubluya qarşı irəli sürülən ittiham məhkəmədə sübut olunmayıb. Sübutlar yalnız zərər çəkmiş şəxslərin və şahidlərin ziddiyyətli ifadələri üzərində qurulub. Hərtərəfli və obyektiv araşdırma üçün lazım olan videotəsvirlər əldə edilməyib. Müdafiə tərəfinin vəsatətlərinin heç biri təmin edilməyib.
İttihama görə, T.Yaqublu öz avtomobilində yol-nəqliyyat hadisəsi törədib, daha sonra isə başqa avtomobildə olan Elxan və Cəvahir Cəbrayılovları “döyüb”, “vint açanla onlara xəsarət yetirib”.
BİHK hesab edir ki, bu cür məhkəmə qərarları Azərbaycanın üzərinə götürdüyü beynəlxalq öhdəliklərə zidd olduğundan hazırkı qərar ölkənin beynəlxalq imicinə, xüsusən də Avropa İnsan Hüquqları Konvensiyası kontekstində mənfi təsir göstərəcək.
BİHK Tofiq Yaqublunun mümkün qədər tez azadlığa buraxılmalı olduğunu hesab edərək hakimiyyəti bu istiqamətdə addımlar atmağa çağırır.
*BİHK bu ilin yazında yaradılıb. Təşkilatın həmtəsisçiləri hüquq müdafiəçisi Rəsul Cəfərov və vəkil Cavad Cavadovdur. –06D-
Cəmiyyət
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
Rəy yaz