Bakı/20.09.19/Turan: Azərbaycanda fundamental insan hüquq və azadlıqlarının təminatı sahısində vəziyyət acınacaqlıdır: özbaşına həbslər, işgəncələr, mətbuata təzyiq davam edir, 117 siyasi məhbus həbsxanalardadır. Bu barədə Siyasi Məhbusların Monitorinqi Mərkəzinin 2019-cu il yanvarın 1-dən sentyabrın 20-nə qədər Azərbaycanda insan hüquqları sahəsində vəziyyətə həsr olunmuş hesabatında deyilir.
Ölkə BMT-yə, ATƏT-ə və Avropa Şurasına üzvlük çərçivəsində üzərinə götürdüyü öhdəlikləri yerinə yetirmir.
"İl ərzində müntəzəm olaraq müxalif fəalların özbaşına həbsləri həyata keçirilib. 60-dan çox müxalifətçi 10 gündən 60 günə qədər inzibati həbsə məruz qalıb. Onlar "standart ittihamlarla" - polisə tabe olmama və kiçik xuliqanlıq ittihamları ilə həbs olunur. Xalq Cəbhəsi Partiyasının bəzi üzvləri 2 və hətta 3 dəfə həbs edilib", deyə Siyasi Məhbusların Monitorinqi Mərkəzinin rəhbəri Elşən Həsənov bildirib.
İfadə və media azadlığı sahəsində də müsbət dəyişiklik yoxdur. Hesabat dövründə jurnalist Polad Aslanov həbs edilib, realliq.info saytının redaktoru İkram Rəhimov barəsində hökm çıxarılıb.
Altı jurnalist, o cümlədən Əfqan Muxtarlı həbsdə saxlanılır.
"Azadlıq" qəzetinin reportyoru Təzəxan Mirələmli jurnalist vəzifələrini yerinə yetitərkən polis ona qarşı güc tətbiq edib. Jurnalist Sevinc Osmanqızı şantaja məruz qoyulub.
"Saytların bloklanması davam edir, jurnalistlərin açıq məhkəmə proseslərində çəkiliş etməsi qadağan edilir, çoxları dövlət orqanlarının tədbirlərinə buraxılmır", deyə Həsənov bildirib.
Saxlanma yerlərində işgəncə təcrübəsi də davam edir. "Xüsusən, Gəncə hadisələri üzrə ittiham olunanlar qeyri-insani rəftara məruz qoyulub. Məhkəmələr bu şəxlsərin işlərinə qeyri-obyektiv baxıb. Onların Avropa Konvensiyasının 3-cü (işgəncələrin qadağan edilməsi) və 6-cı (ədalət hüququ) maddələrində nəzərdə tutulmuş hüquqları pozulub.
İstintaq materialları pozuntularla tərtib edilib, etibarlı dəlillər yığılmayıb. İstintaq Gəncə mitinqinin təşkilatçılarını müəyyən edə bilməyib və təsadüfən yoldan keçənləri məsuliyyətə cəlb edib.
Bu işin 31 fiqurantı artıq siyasi məhbus kimi tanınıb. Təxminən 30 nəfərin işi isə monitorinq altındadır", deyə Həsənov bildirib.
9-cu - "Fikir, vicdan və din azadlığı" maddəsi də pozulur. Belə ki, polis Aşura günü dindarlara ciddi maneələr törədib, Nardaranda əvvəlki kimi fövqəladə hal hökm sürür, deyə hesabatda bildirilir.
* Siyasi Məhbusların Monitorinqi Mərkəzi 2014-cü ilin oktyabrında bir qrup keçmiş "vicdan məhbusu" tərəfindən yaradılıb. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz