Bakı limanında toplanan Türkmən sürücülərin problemi həll edilir

Bakı/11.01.20/Turan: Bakı limanında potlanan türkmən sürücülərin problemi həll olunur. Yığılıb qalan türkmən yük maşınlarının gəmilərlə göndərilməsinə başlanılır, bu barədə Bakı Ticarət Limanının administrasiyası məlumat verib.

"Ələt qəsəbəsində yerləşən Bakı Limanında Türkmənistan istiqamətində gəmi hərəkəti normal rejimdə həyata keçirilir. Türkmənistana məxsus “Berkarar” gəmisinin təmirdə olması səbəbindən, Bakı Limanında toplanan ağır yüklü nəqliyyat vasitələrinin  (TIR) növbəsinin azalması üçün Azərbaycan və Türkmənistan tərəfindən müvafiq işlər həyata keçirilir. Hal-hazırda, 51 TIR yol vergisini ödədikdən sonra “Bəxtiyar” gəmisi ilə Türkmənbaşı limanına yola salınır", deyə "Ələt" Beynəlxalq Dəniz Ticarət Limanının idarəsindən Turan agentliyinə daxil olmuş press-relizdə bildirilir. 

Ümumilikdə Bakı Limanından Türkmənistana yola düşəcək 300-ə yaxın TIR mövcud olan ardıcıllıqla tez bir zamanda yola salınacaq.

Bakı Limanı sürücülərin rahatlığı üçün müvafiq tədbirlər görür, gözləmə vaxtı onların yarana biləcək tələblərini ödəmək üçün iş aparır. Məsələ ilə bağlı ictimaiyyətə mütəmadi olaraq məlumat veriləcək, deyə press-relizdə qeyd edilir.

Türkmən yük maşınları gəmi olmadığına görə Bakı aeroportunda toplanıb.

Yanvarın 7-də Türkmənistandan gəmi gəlib, Azərbaycan tərəfi ölkədə qalma müddəti keçdiyinə görə hər bir avtomobil üçün 200 dollar tələb edərək, yükləməyə icazə verməyib. -21/В06-