Bakı/12.12.18/Turan: Bakının icra hakimiyyəti paytaxtın Nərimanov rayonunda Atatürk Parkında tikililərin sökülməsi ilə əlaqədar bəyanat yayıb.
Meriyanın məlumatında deyilir ki, "bu parkda yaranmış vəziyyət günün tələblərinə uyğun deyil". Bu səbəbdən parkda bir neçə ictimai iaşə obyektinin söküntüsü həyata keçirilir. Sökülmüş obyektlərin yerinə yeniləri tikiləcək.
"Parkda yalnız antisanitariya şəraiti yaradan və sənədi olmayan qanunsuz tikilmiş obyektlər sökülüb. Mülkiyyət sənədi olanlara müvafiq yenidənqurmalar həyata keçirilməsi tövsiyə edilib", deyə məlumatda bildirilir.
Qeyd edək ki, sözügedən yerdə uzun illər onlarla kafe, restoran və çayxana fəaliyyət göstərib. Bura dövlət başçısının iqamətgahlarından birinin bilavasitə yaxınlığında yerləşir. -16D-
Cəmiyyət
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
Rəy yaz