Bakıda 14-cü Gül Bayramı keçirilir

Şənbə günü Bakıda qeyri-rəsmi Gül Bayramı qeyd edilir. Bu bayram keçmiş ölkə prezidenti Heydər Əliyevin xatirəsinə həsr olunub və 2000-ci ildən etibarən hər il Azərbaycanın paytaxtında və digər şəhərlərdə qeyd olunur. Bayram mayın 10-da Heydər Əliyevin ad günündə başlayır və bir neçə gün davam edir. Ənənəvi olaraq bayram günləri Mərkəzi Bankın qarşısındakı Heydər Əliyev parkında ölkəyə gətirilmiş nadir güllərdən gözəl kompozisiyalar sərgilənir.

Vikipediya qeyd edir ki, ilkin olaraq bayram mayın 11-də, Azərbaycan prezidentinin ad günündən sonra qeyd edilirdi. 2004-cü ildən etibarən bayram Heydər Əliyevin ad günündə keçirilir. Həmçinin qeyd edək ki, əvvəlcə bayram dənizkənarı bulvarda – bakılıların və şəhər sakinlərinin əsas istirahət yerində keçirilirdi.

Ənənəvi olaraq bu gün ilk olaraq Əliyevlər dəstəsi sərgini gəzdi, yalnız bundan sonra şəhər sakinləri və paytaxtın qonaqları parka buraxıldı.

Əvvəlki illərdən fərqli olaraq, hakimiyyət hazırki bayramın neçəyə başa gəldiyini, hansı ölkələrdən nə qədər gül gətirildiyini gizlədir. Ötən il paytaxtın icra başçısı Hacıbala Abutalıbov bayrama gətirilən tonlarla gülün çatdırılması sirlərini jurnalistlərə açıqlamışdı.

“Braziliyadan xüsusi yük təyyarəsi ilə güllər gətirilib. İtaliyadan, Hollandiyadan, Fransadan, Türkiyədən və Çindən təyyarələrlə saysız sayda gül gətirilib”, deyə Abıtalıbov bildirib.

Bu zaman o, gətirilən güllərin həcmi və dəyəri haqqında məlumat verməyib. Lakin rəsmi məlumatlara görə, 150 ton gül gətirilib.

2013-cü ildə yenə bir çox ölkələrdən 116 ton gül gətirilmişdi. Hakimiyyət gül bayramına xərclənən məbləği və vəsaitin hansı mənbədən ödənildiyini də gizlədir.

2007-ci ildə meriya 15 mln. dollar rəqəm açıqlamışdı. 2009-cu ildə o vaxtki deputat Gülər Əhmədova parlamentin iclasında 14-15 mln. dollar kimi bir rəqəm söyləmişdi. Son illər Abutalıbov bayramın keçirilməsinə xərclənən vəsaitin məbləğini açıqlamaqdan imtina edir.

“Heydər Əliyev çox qiymətli insandır, buna görə mən maliyyə haqqında heç düşünmürəm. Biz onun layiq olduğu qədər gül gətirmişik”, deyə mer ötən ilki bayramda qeyd edib.

Təxminən bir həftə əvvəl güllərin vətəni Hollandiyada 67-ci gül paradı keçirilib. İdxalçıların məhsul sərgilədiyi Bakıdan fərqli olaraq, paradda ən yaxşı holland bitkişünasları tərtib edilmiş konstruksiyalar iştirak edir. Onların işini real vaxtda müşahidə etmək olur. Paradın mövzusu hər il dəyişir. Bu il parad “Enerji” adlandırılıb. Parad qalibin seçilməsi ilə yekunlaşır.

Hollandiyada bayramın təşkilatçıları onu yerli güllər üçün reklam tədbiri kimi görürlər. Bakı bayramına nə stimul verir? “Heydər Əliyevə olan sevgi?”. Amma uzaq Braziliyadan gətirilmiş idxal güllərlə insanların qəlbinə yol tapmaq, demək olar ki, qeyri-mümkündür. -0-