Bakı/09.05.19/Turan: Bu gün faşizm üzərində Qələbə Günü münasibəti ilə hakimiyyət və Rusiyayönümlü ictimai qurumlar tərəfindən təşkil edilmiş bir sıra tədbirlər keçirilib.
Dövlət başçısı İlham Əliyev dağüstü parkda iki dəfə Sovet İttifaqı Qəhrəmanı Həzi Aslanovun abidəsinə çiçək qoyub və burada bir qrup veteranla görüşüb.
Bundan başqa, Nərimanov rayonunda "Qardaşlıq məzarlığı" Abidə Kompleksi qarşısında veteranların, hakimiyyət orqanları, güc qurumları, ictimaiyyət nümayəndələrinin, habelə bir sıra MDB ölkələrinin səfirliklərinin əməkdaşlarının iştirakı ilə tədbir keçirilib.
Azərbaycan Kazaklar Cəmiyyəti retroklubu tərəfindən abidə kompleksinə tərəf avtomobil yarışı təşkil edilib.
Avtomobil yarışının ardınca "Ölümsüz alay - Azərbaycan"ın abidəyə doğru yürüşü baş tutub. Azərbaycanda bu Rusiya təşəbbüsünün sayı ildən-ilə artır. Bugünki yürüşdə təxminən 800-1000 nəfər iştirak edib.
Müdafiə Nazirliyi Qələbə Günü münasibətilə Bakının müxtəlif parkalrında nəfəs alətləri orkestrinin çıxışlarını təşkil edir.-06D-
Cəmiyyət
-
Bugünlərdə deputat Qüdrət Həsənquliyev parlamentdə prezidentə yalnız məhkumları deyil, istintaq altında olan şəxsləri də əfv etmək səlahiyyətinin verilməsi ilə bağlı təşəbbüs qaldırıb.
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
-
Səhiyyə Nazirliyinin yüksək vəzifəli əməkdaşları həbs edilib, qanunsuz plastik cərrahiyyə əməliyyatlarının aparılması üçün saxta sertifikatlar təqdim etməkdə şübhəli bilinən altı nəfər saxlanılıb. Mətbuat məlumatlarına görə, saxta sertifikatlarla bağlı qalmaqallı yazılarda adı çəkilən Kadrlar, Elm və Təhsil Şöbəsinin müdiri Səidə Rüstəmova bu gün saxlanılıb. Araşdırma yazılarında adı keçən digər şəxslərin də, o cümlədən Səhiyyə nazirinin müavini İlqar Qasımovun həbs olunmuş ola biləcəyi bildirilib.
Rəy yaz