Açiq mənbələrdən foto.
Bakı/28.07.23/Turan: İstirahət günləri Bakıda və Abşeronda şimal-qərb küləyinin sürətinin saniyədə 15-20 metrə, bəzən 23-25 metrə qədər güclənəcəyi gözlənilir. İyulun 29-da səhər saatlarında Abşeron yarımadasının bəzi yerlərində küləyin sürəti 28-32 metrə çatacaq, Milli Hidrometeorologiya Xidməti bildirib.
Rayonlarda şərq küləyinin sürəti saniyədə 15-20 metrə, ayrı-ayrı ərazilərdə 25-30 metrə çatacaq. 06B
* * *
2023 İyul 28 (Cümə) 14:56:42
Şənbə günü Azərbaycanda hava küləkli olacaq
Bakı/28.07.23/Turan: İyulun 29-da Bakıda və Abşeron yarımadasında hava yağıntısız olacaq, güclü şimal-qərb küləyi əsəcək, havanın temperaturu gecə müsbət 20 +25, gündüz müsbət 25 +28 dərəcə olacaq, Milli Hidrometeorologiya Xidməti bildirib.
Abşeron çimərliklərində güclü şimal-qərb küləyi gözlənilir.
Abşeronun şimal sahilində dəniz suyunun temperaturu müsbət 25 +26, cənub sahilində müsbət 26 +27 dərəcəyə çatacaq.
Azərbaycanın əksər rayonlarında hava əsasən yağıntısız olacaq, lakin gün ərzində bəzi dağlıq və dağətəyi rayonlarda yağıntı olacaq. Bəzi yerlərdə qısamüddətli leysan yağacaq, şimşək çaxacaq, dolu düşəcək. Güclü qərb küləyi əsəcək.
Havanın temperaturu gecə müsbət 20 +25, gündüz müsbət 30 +35 dərəcə olacaq.
Dağlarda gecə müsbət 9 +14, gündüz müsbət 15 +20 dərəcə gözlənilir. 06B
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz