Bakıdakı erməni qənimət hərbi texnika parkına kim cavabdehdir?

Bakı/09.04.21/Turan: 2021-ci ilin fevralından Bakıda Dənizkənarı parka bitişik boş yerdə, Xətai rayonunda (Nobel prospekti, "Ağ şəhər") Qələbə Muzeyi və qənimət götürülmüş erməni hərbi texnikası parkının tikintisinə başlanılıb. İşin başlandığı mətbuatda geniş anons edilib, bu yaxınlarda kütləvi informasiya vasitələri hasarlanmış ərazini və oradakı  hərbi qənimətləri - ermənilərə məxsus tanklar, ZTR, reaktiv qradlar, artilleriya və hətta erməni tankçının manekeni olduğu videoçarxı nümayiş etdirib.

Bu qənimət hərbi texnikanın bəzisi dekabrın 10-da Bakıda keçirilən paradda nümayiş etdirilib.

Ərazidə həmçinin işğaldan azad edilmiş ərazilərdə tapılan avtomobil nömrələrindən yığılmış məşhur stend də quraşdırılıb. Bu stend Bakıda qələbə paradında nümayiş etdirilib. Yüzlərlə avtomobil nömrəsinin fonunda böyük bir yazı görünür:"Qarabağ Azərbaycandır".

Açıq səma altında sərgi inşa edilib. Əgər qapıları açıb və ziyarətçilərin girişinə icazə verilsə, dağılmış hərbi texnikaya baxmaq istəyənlərin sayı çox olacaq.

Orada suvenirlərin satışı və ziyarətçilərin məlumatlandırılmsı üçün vaqonlar quraşdırılıb. Azərbaycan və ingilis dillərində lövhə var - "Hərbi qənimətlər parkı".

Ancaq sərginin qapıları bağlıdır. Aprelin 9-da günün yarısında Turan agentliyi aşağıdakı məsələləri aydınlaşdırmaqla məşğul idi: sərgi nə zaman açılacaq, onu kim keçirilir, giriş pullu olacaqmı, orada nə qədər düşmən texnikası toplanıb, bu ekspozisiya daimi olacaq, yoxsa Azərbaycan və Ermənistan dostlaşandan sonra qənimətlər yığışdırılacaq.

Uzun telefon zənglərindən sonra məlum oldu ki, Dənizkənarı Park İdarəsi və Bakı Şəhər İcra Hakimiyyətinin bu sərgiyə aidiyyatı yoxdur. Axtarışlar Mədəniyyət Nazirliyinə apardı ki, burada sərgi şöbəsi var. Oradan məlumat verildi ki, hərbi ekspozisiyanın həmtəşkilatçıları Azərbaycan Müdafiə Nazirliyi və Heydər Əliyev Fondudur. Müdafiə Nazirliyində isə açıq şəkildə bildirdilər ki, onlar bu sərginin təşkilatçıları deyil.

Ancaq Mədəniyyət Nazirliyində hərbi texnika parkı ilə vahid kompleksə daxil olan gələcək Zəfər Müzeyi haqda məlumat verdilər. Muzeyin tikintisinin nə zaman başlayacağı və başa çatacağı  nazirliyə məlum deyil. Hazırda onlar layihələri qəbul edirlər və nəzərdən keçirirlər.

Qənimət (erməni) hərbi texnika parkını kim yaradır, nə vaxt açacaqlar, bu ekspozisiyaya görə hansı təşkilat məsuliyyət daşıyır? Qafqazda barışıqdan sonra düşmənin ölüm silahları açıq səma altında qalacaqmı? Turan agentliyi bunları  öyrənə bilməyib.0—