Açiq mənbələrdən foto.
Bakı/04.07.23/Turan: İyulun 4-də Fövqəladə Hallar Nazirliyinin "112" qaynar xəttinə Bakının Sabunçu rayonunun Balaxanı qəsəbəsi ərazisində hərbi sursatın tapılması barədə məlumat daxil olub, nazirliyin məlumatında deyilir.
Fövqəladə Hallar Nazirliyinin sapyorları hadisə yerinə göndərilib, onlar hüquq-mühafizə orqanlarının əməkdaşları ilə birlikdə təhlükəsizlik tədbirləri görərək hadisə yerinə baxış keçiriblər və orada 1 ədəd "F-1" əl qumbarası aşkar ediblər.
Fövqəladə Hallar Nazirliyinin mütəxəssisləri hərbi sursatı zərərsizləşdirmək üçün ərazidən çıxarıblar.
Hadisə yerinə və ətraf əraziyə əlavə baxış zamanı digər təhlükəli və ya şübhəli əşyalar aşkar edilməyib, məlumatda deyilir.
Fövqəladə Hallar Nazirliyinin yaydığı operativ videoçəkilişə görə, qumbara Balaxanı çölündə aşkar edilib. 06В
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz