Azərbayacan daxili işlər orqanları mütəşəkkil dəstələr tərəfindən narkotik vasitələrin qanunsuz dövriyyəsinə qarşı Balakən rayonunda (Bakıdan 430 kilometr şimal-qərb) xüsusi əməliyyat-axtarış tədbirləri həyata keçirib.
Daxili İşlər Nazirliyinin mətbuat xidmətinin məlumatına görə, nazirliyin xüsusi təyinatlı polis qüvvələri də cəlb edilməklə, Baş Mütəşəkkil Cinayətkarlıqla Mübarizə İdarəsi və Rayon Polis Şöbəsi külli miqdarda narkotik vasitələrin ölkəyə gətirilməsi, alqı-satqısı və narkotərkibli bitkilərirn kultivasiyası ilə məşğul olan 9 nəfərdən ibarət cinayətkar dəstənin üzvlərini saxlayıb. Balakən sakinləri olan bu şəxslərin 2-si əvvələr Cinayət Məcəlləsinin müxtəlif maddələri ilə məhkum olunub.
Onların üzərlərinə və yaşadıqları mənzillərə baxış zamanı 2 avtomat, 1 “TOZ-8” tüfəngi, 2 tapança, 1 qaz tapançası, alışqanları ilə birlikdə 8 əl qumbarası, 70-ə yaxın müxtəlif çaplı patron və digər silah-sursat, eyni zamanda,9,2 kiloqram marixuana və aqrotexniki qaydada qulluq edilməklə yetişdirilmiş 1800 ədəd çətənə kolu götürülüb.
Faktla bağlı cinayət işi başlanılıb, istintaq aparılır.
Saxlanılan şəxslərin digər hüquqazidd əməllərdə iştiraklarının müəyyənləşdirilməsi və başqa cinayətkar əlaqələrinin ifşası üzrə zəruri əməliyyat-istintaq tədbirləri davam etdirilir. -03D-
2015 Aprel 02 (Cümə axşamı) 13:25:20
Daxili İşlər Nazirliyinin Baş Narkotiklərlə Mübarizə İdarəsi və Balakən rayon polis şöbəsi rayonda narkotik maddə istehsalı və qaçaqmalçılığı ilə məşğul olan mütəşəkkil dəstələrə qarşı əməliyyat keçirib.
Yerli əhalinin dediyinə görə, dəstənin onlarla üzvü saxlanılıb. Saxlanılanlar arasında hətta regionda narkotik qaçaqmalçılığında adı hallanan tanınmış şəxslərin olduğu da bildirilir.
Mütəşəkkil dəstələrin zərərsizləşdirilməsini yerli əhali rəğbətlə qarşılanıb. “Nəhayət, rayon əhalisini “zəhərləyənlər” tutuldular. Həbsdən buraxmasalar yaxşı olar”, - yerli sakinlərdən biri Turan-a bildirib.
Öz növbəsində, hüquq- mühafizə orqanlarındakı mənbələr məlumatı təsdiq ediblər. Səhih məlumatlara görə, narkotik maddə dövriyyəsində əli olan 10-a yaxın adam saxlanılıb. Hələlik DİN əməliyyatın keçirilməsini və saxlananların sayı ilə bağlı şərh vermir. 03B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz