Saat 16-ya olan məlumata görə, balıqçılar FHN-in xilasedici qayığı vasitəsilə xilas edilib, bu barədə FHN-in saytında məlumat yerləşdirilib.
2018 November 08 (Thursday) 15:36:49
İki balıqçı itkin düşüb
Bakı/08.11.18/Turan: Xəzər dənizinin Novxanı hissəsindəki sularda iki dənizçinin itkin düşdüyü bildirilir.
Dövlət Dəniz Agentliyinin məlumatına görə, noyabrın 8-də günorta Novxanı qəsəbəsində taxta qayıqla dənizə çıxan 2 balıqçının təhlükə ilə üzləşməsi barədə məlumat daxil olub.
Həmin məlumatda bildirilib ki, sahildən 10 kilometr məsafədə qayığın hərəkət vericisi xarab olub. Su axını balıqçılar olan qayığı açıq dənizə doğru aparıb.
Agentlik bildirir ki, Milli Mərkəz tərəfindən hadisə barədə aidiyyəti qurumlar məlumatlandırılıb.
"Azərbaycan Xəzər Dəniz Gəmiçiliyi" QSC-yə məxsus "Bakinskaya - 3" gəmisi kömək üçün hadisə yerinə yönəldilib.
Milli Mərkəz tərəfindən xilasetmə əməliyyatlarının koodinasiyası həyata keçirilir. -05D-
Cəmiyyət
-
Milli Hidrometeorologiya Mərkəzinin sinoptikləri ardıcıl olaraq üç gündür paytaxtda və Abşeronda yağış yağacağını vəd edirlər, lakin bu yağış hələ də yağmır. Noyabrın 29-na da intensiv yağış proqnozlaşdırılıb.
-
Azərbaycanın Nazirlər Kabineti Yeni İldə iş və istirahət günlərinin yerinin dəyişdirilməsi haqqında qərar qəbul edib.
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
Rəy yaz