Baş Mütəşəkkil Cinayətkarlıqla Mübarizə İdarəsi Oqtay Gülalıyev və Eldəniz Quiyevə xəbərdarlıq edib
Oktyabrın 14-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi “Siyasi Məhbuslarsız Azərbaycan” Alyansının rəhbəri Oqtay Gülalıyevə və Milli Şuranın Koordinasiya Mərkəzinin üzvü Eldəniz Quiyevə xəbərdarlıq edib. Bu barədə Turan-a O.Gülalıyev və E.Quliyevin özləri bildiriblər.
Onlar bu gün Baş Mütəşəkkil Cinayətkarlıqla Mübarizə İdarəsinə çağırılıblar.
“İdarədə mənə “Nardaran işi” ilə bağlı apardığım araşdırmaya, tənqidi Facebook statuslarıma görə xəbərdarlıq etdilər. Bildirdilər ki, mənim Facebook statuslarımı izləyirlər və Nardaranda dövlətə qarşı cinayət törədilib. Buna görə müvafiq addımlar atılıb və bundan sonra da atılacaq”,- O.Gülalıyev qeyd qeyd edib.
Eldəniz Quliyev isə bildirib ki, əsas söhbət mövzusu ictimai-siyasi fəallığı, dini etiqadlı insanları müdafiə etməyi, sosial şəbəkələrdə yazıları olub.
“İdarədə ictimai-siyasi fəallığımı yumşaltmağı tələb etdilər. Dini inanclı insanları müdafiə etməyim narazılıqlarına səbəb olub. Mən dedim ki, hər bir insanın etiqad azadlığı var, bu, qanunda əksini tapıb”, - E.Quliyev qeyd edib.
E.Quliyev deyib ki, yazılarında hakimiyyətə qarşı sərt mövqe tutması da müzakirə edilib. “Hətta bu yazılarda cinayət tərkibli ifadələrin də olduğu bildirildi. Hələlik şifahi xəbərdarlıq etdilər. Fikrimcə, bu, profilaktik məqsədlli söhbət idi, gələcəyi isə görərik”, - o bildirib. -0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz