İki ildir ki, vətəndaş cəmiyyətinə, hüquq müdafiəçilərinə yaradılan problemlər hələ də həllini tapmayıb. Bunu hüquq müdafiəçisi, keçmiş “vicdan məhbusu” Rəsul Cəfərov hökumət və vətəndaş cəmiyyəti arasında mövcud dialoq barədə hakimiyyət nümayəndəsinin bəyanatını Turan agentliyinə şərh edərkən deyib.
“Oktyabrın 17-də mənim, eləcə də həmkarım Anar Məmmadlinin həbsdən çıxmamızın 7 ayı tamam olacaq. Bu aylar ərzində durum göstərdi ki, vətəndaş cəmiyyətinin problemləri həll edilməmiş qalıb.
“2014-cü ilin iyulunda Səbayel Rayon Məhkəməsi mən də daxil olmaqla, xeyli hüquq müdafiəçisinin bank hesablarına həbs qoyulması barədə qərar verib. Qərar hələ də qüvvədədir. Baş Prokurorluğa bununla bağlı üç dəfə müraciət göndərmişəm, müraciətin ikisinə, ümumiyyətlə, cavab verməyiblər. Bank hesabları həbsdə olan tək mən deyiləm, bu sırada jurnalistlər, vəkillər, hüquq müdafiəçiləri də var”, - R.Cəfərov bildirib.
“Ölkədən çıxışa əsassız qadağalar da aradan qaldırılmayıb. Vəkil Əsabəli Mustafayevin, xeyli sayda jurnalistin, QHT işinə görə qanunsuz həbs edilərək şərti azadlığa buraxılan Xədicə İsmayılın, İntiqam Əliyevin, yenə də QHT-lərə cinayət işi üzrə istintaqa cəlb edilən REAL Hərəkatının fəalları Natiq Cəfərlinin, Azər Qasımlının və digərlərinin çıxışına qadağa var”, R.Cəfərov bildirib.
R.Cəfərov hüquq müdafiəçiləri ilə bağlı Avropa Məhkəməsinin çıxardığı qərarların belə icra edilmədiyini söyləyib.
Onun sözlərinə görə, hüquq müdafiəçiləri ilə bağlı Avropa Məhkəməsi qərarlarının hətta kompensasiyaların ödənilməsi hissəsi icra edilmir.
“Hilal Məmmədovla, habelə mənimlə bağlı çıxarılan qərarlar qüvvəyə minib, ancaq kompensasiya hələ də ödənilməyib”, - R.Cəfərov deyib.
Hüquq müdafiəçisinin qənaətincə, ən başlıca məsələ - mürtəceləşdirilmiş QHT qanunvericiliyinin dəyişdirilməsi istiqamətində də heç bir addım atılmayıb.
Xatırladaq ki, bir neçə gün əvvəl prezident yanında QHT-lərə Dövlət Dəstəyi Şurasının üzvü Əliməmməd Nuriyev “Azadlıq” radiosuna bildirib ki, ölkədən çıxışa qadağalar götürülüb, bank hesablarına həbslər qaldırılıb. Ə.Nuriyev QHT üzvləri ilə bağlı cinayət işlərinin qalmasını “yalan” adlandırıb.—06B--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz