Açiq mənbələrdən foto.
Bakı/05.05.21/Turan: Turan İnformasiya Agentliyinin direktoru Mehman Əliyev Buzovna qəsəbəsinin mərkəzi hissəsində qrunt suları probleminin operativ həllinə görə baş nazir Əli Əsədova təşəkkürünü bildirib.
Üç aydan çoxdur ki, yerli hakimiyyət orqanları (Xəzər Rayon İcra Hakimiyyəti, Buzovna bələdiyyəsi) və profil xidməti (“Azərsu” Açıq Səhmdar Cəmiyyəti, Sanitar xidməti) Buzovna qəsəbəsinin mərkəzində - Naxır Bulağında qrunt sularının səthə axıdılmasının aradan qaldırılması üçün heç bir tədbir görməyiblər. Nəticədə asfalt örtük dağılmağa başlayıb, nəqliyyatın və vətəndaşların hərəkəti çətinləşib.
Martın 30-da baş nazirin adına məktub göndərilib və artıq aprelin 2-də Nazirlər Kabineti Aparatı Xəzər Rayon İcra Hakimiyyəti, "Azərsu" Açıq Səhmdar Cəmiyyəti, Təbii Sərvətlər və Ekologiya Nazirliyinə göstəriş verib ki, problemi aradan qaldırsınlar və bu barədə agentliyi məlumatlandırsınlar. Problem bir gün ərzində aradan qaldırılıb.
“Bu hal yerli səviyyədə icra, bələdiyyə orqanları və profil xidmətlərin idarəçiliyinin pis olmasını bir daha nümayiş etdirir. Bu isə əhalinin qanuni narazılığına səbəb olur və bu da ali hakimiyyət orqanlarına sirayət edir. Vəziyyət yerli hakimiyyət orqanlarının, həyat təminatı xidmətlərinin məsuliyyətinin və operativliyinin artırılması üçün təxirəsalınmaz tədbirlərin görülməsini tələb edir”, - Əliyevin 4 may tarixli məktubunda deyilir.
Öz növbəsində, Xəzər Rayon İcra Hakimiyyəti pis işinə yaxşı görüntü vermək qərarına gəlib və aprelin 23-də Turan agentliyinə bildirib ki, guya həmin problemin aradan qaldırılması üçün hələ martın 29-da "Azərsu" Açıq Səhmdar Cəmiyyətinə məktub göndərib.
"Yəni, İcra Hakimiyyəti demək istəyir ki, agentliyin baş nazirə məktubundan öncə tədbir görüb. Belə olan halda Xəzər rayonu rəhbərliyindən soruşmaq istərdim: bəs əvvəlki günlərdə və aylarda niyə tədbir görülməyib?",- Əliyev deyib.
Yerli sakinlər məsələni hakimiyyət qarşısında qaldırsaydılar, problem daha operativ həll oluna bilərdi.
"Qəsəbə sakinləri kömək üçün mənə müraciət etdilər. Mən bir neçə ünvana kollektiv məktub yazmağı təklif etdim. Adamlar söz verdilər, amma imza toplamadılar. Bu, belə məsələlərdə passiv olan yerli icmalara xarakterik problemdir. Hakimiyyət orqanlarının və xidmət qurumlarının səhlənkarlığı, problemlərə məhəl qoymaması da buradan qaynaqlanır", - Mehman Əliyev deyib.—0—
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz