Bakı/30.11.18/Turan: Noyabrın 30-da Səbail rayon məhkəməsində bastainfo.com saytının bloklanmasından verilmiş şikayətə baxılıb. Redaksiya saytın bloklanmasının ləğvi məsələsini qaldırır.
İş üzrə cavabdehlər Baş Prokurorluq, Nəqliyyat, Rabitə və Yüksək Texnologiyalar Nazirliyidir.
Prosesdə bu idarələri Kənan Zeynalov və Bəxtiyar Məmmədov, Bastainfo saytını isə saytın redaktoru Mustafa Hacıbəyli təmsil edib.
Amma hakim Nurəddin Bağırov iclas başladıqda dərhal sonra bildirib ki, məhkəmə noyabrın 26-da hazırlıq icasında bu iş üzrə icraatı dayandırıb. Redaksiya apellyasiya şikayəti vermək niyyətindədir.
Xatırladaq ki, iyulun 9-da Bastainfo.com saytının baş redaktoru Hacıbəyliyə bildirilib ki, o, cinayət işi üzrə şahid qismində cəlb edilib. Elə həmin gün Baş Prokurorluq internet-resurslarda Gəncə icra başçısı Elmar Vəliyevə sui-qəsdlə bağlı "yalan məlumatların" və "qanunsuz çağırışların" yayılması haqqında cinayət işi açıb.
Bununla əlaqədar prokurorluq bastainfo.com, criminalaz.com, topxeber.az və fia.az saytlarının bloklanması üçün Rabitə Nazirliyinə müraciət edib. -05D06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz