Bakı/03.02.18/Turan: Hakimiyyət Bayılda sürüşmə zonasında bütün kommunikasiyanı kəsməyə başlayıb. Əsasən su, qaz və elektrik enerjisinin verilməsi dayandırılıb. Orada qalan təxminən 80 şəxsi evin sakinlərinin sözlərinə görə, torpaqda və bəzi evlərdə çatlar artır.
Öz növbəsində şəhər hakimiyyəti suyun verilməsinin dayandırılmasını sürüşmənin qarşısının alınması üçün görülən tədbir hesab edir. Belə ki, qrunt suları torpağın hərəkətinə səbəb olur.
Görünür, hakimiyyət bütün sakinləri bu zonadan çıxarmaq və oradakı evləri sökmək niyyətindədir. Ancaq hələlik bununla bağlı hakimiyyətin planları açıqlanmayıb.
Xatırladaq ki, hər 10-12 ildən bir Bayılda sürüşmə zonası aktivləşir və nəticədə mülki və ictimai tikililərə, infrastruktura ciddi problemlər yaranır.-02D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz