Hitlerin Stalinqradda məğlubiyyətinin səbəbi Bakı neftinə sahib olmaması idi

Bakı/03.02.18/Turan: Bakıda Nazim Rza İsrafiloğlunun yeni kitabı "Neft və müharibə. Tutanların döyüşü" kitabının təqdimatı keçirilib. Kitab Hitler Almaniyasının Sovet İttifaqına qarşı müharibəsinin açılmamış səhifələrinin araşdırılmasına və o dövrdə güc dövlətlərinin planında Bakı neftinin əhəmiyyətinə həsr edilib.

Kitabın elmi redaktoru tarixçi Elmira Muradəliyev hesab edir ki, Stalinqrad və Qafqaz uğrunda hərbi əməliyyatlar bir- birilə bağlı olub. "Minimum iki dəfə SSRİ fəlakətin kənarında olub - 1941 və 1942-ci illərdə. Almanlar yay kampaniyasına başlayıblar və görünməmiş sürətlə Şimali Qafqaza (Qroznı) çatıblar. Bakı faktiki olaraq onların "cibində" idi. Buna əminlik ondan irəli gəlir ki, Berlin kinostudiyasında Bakının ələ keçirilməsi barədə film çəkilmişdi. Bakı dekorasiyaları şəhərdə çəkilmiş köhnə fotoların və otkrıtkaların üzərində qurulmuşdu. Baş rolu Villi Frits - Otto Skortseninin (sonuncu italiyalı diktator Benito Mussolinini azad edib) prototipi ifa edirdi.

Alman ordusu Bakıya girməli idi. Ancaq özündən razı diktator Hitler (bütün diktatorlar kimi) düşünürdü ki, Bakı artıq onun əlindədir, odur ki, nəhəng, yaxşı təchiz edilmiş armadanı iki yerə bölüb birini Stalinqrada göndərmək olar.

Niyə Stalinqrad? Diktator Hitler hesab edirdi ki, digər diktatorun adı ilə adlandırılan şəhəri tutmaqla o, sovetlərin başçısına mənəvi zərbə endirəcək.

1943-cü il fevralın bu böyük ordu mühasitrəyə düşdü və özgeneralları ilə təslim oldu. Niyə? Axı alman ordusu sovet ordusundan daha yaxşı hazırlıqlı idi. Hitler ordusunun yanacağı yox idi, çünki Bakı Stalinin əlində idi. Alman əsgərlər güllə və mərmidən yox, soyuqdan öldülər. "Rus şaxtası hətta alman şokoladını da dondurdu".

Dünya tarixinin bu səhifəsi göstərir ki, Hitler Stalinqradda ona görə məğlub oldu ki, Bakı neftinə sahib deyildi. -0-