Bakı/03.02.18/Turan: Fevralın 2-də axşam mülki geyimli polis işçiləri Xanlar küçəsi, 10 ünvanındakı yaşayış evinə girişi əhatəyə alıblar. Bu barədə Turan-a həmin binada yaşayan Dmitri Luqanski məlumat verib.
Naməlum şəxslər onun mənzilinin qapısını sındıraraq əşyaları çıxarmağa başlayıblar. Bu müddətdə Dmitri evin önündə polislərin əhatəsində olub. Onu 3-cü mərtəbədəki mənzilinə buraxmayıblar. Hər şey çıxarıldıqdan, pəncərələrin çərçivələri, hətta balkon sındırıldıqdan sonra ona yuxarı qalxmağa icazə veriblər.
"Orada Səbayel Rayon İcra Hakimiyyətinin nümayəndəsi Vüqar Bayramovu və "Sabah Residence" tikinti şirkətinin nümayəndələrini gördüm", - Dmitri Tiran-ın müxbirinə bildirib.
D.Luqanski öz vəkilini çağırıb, polisə, İcra Hakimiyyətinə müraciət edərək özbaşınalığa son qoyulmasını tələb edib. Ancaq heç bir faydası olmayıb.
"Mənə hədə-qoru gəldilər, təzyiq göstərdilər. Məni və ailəmi hədələdilər. Mənim şikayətim məhkəmədə olsa da mülkiyyət hüququmun pozulması davam edir.
Bizim binadakı 25 ailə bir kv. metrə görə 1500 manat məbləğində nəzərdə tutulan kompensasiya ilə razı deyil. Yeni bina tikiləndən sonra orada mənzil verilməsi təklifinə gəlincə, tikinti aparmaq istəyən "Sabah-Residence" şirkəti heç bir zəmanət vermir.
Onlar heç bir hüquqi qüvvəsi olmayan sənədi imzalatdırmaq istəyirlər", - D.Luqanski bildirib.
"Mənim mənzilimdən bütün bahalı əşyalar, hətta zinət əşyaları, divar şəkilləri, mebel çıxarılıb. Onların harada oduğunu bilmirəm. İnsanlarla bu cür rəftar açıq şəkildə barbarlıqdır. Mən Qarabağda döyüşmüşəm, amma mənimlə cinayətkar kimi davranırlar.
Mən özümü və ailəmi müdafiə etmək üçün dövlət başçısına və Rusiya səfirliyinə müraciət edəcəyəm",- D.Luqanski vurğulayıb.
Özünü "Sabah Residence"-in vəkili kimi təqdim edən Şahlar Məmmədov Turan-ın "Məhkəmə qərarı olmadan hansı əsasla vətəndaşları zorla evlərindən çıxarırsınız?" sualına cavab verməyib.
"Mən vəkil xidmətləri göstərirəm. Digər məsələlər mənə məlum deyil", -Ş.Məmmədov qeyd edib və tikintini aparan firmanın əlaqə nömrəsini söyləməyib.
Qeyd edək ki, paytaxtda köhnə tikililərin sökülüb yenilərinin inşa edildiyi yerlərdə bu cür özbaşınalıqlar törədilir. Ancaq uzun illərdir ki, hakimiyyət köhnə tikililərin söküntüsü zamanı sakinlərlə insancasına davranmağı və qanun çərçivəsində hərəkət etməyi öyrənməyib.02B--
Söz istəyirəm
-
Bu gün 2014-cü ilin fevralında başlayan rusiya təcavüzünün Ukraynaya qarşı genişmiqyaslı müharibəyə çevrilməsindən 1000 gün ötür. Min gün davam edən ağrı, itki, göz yaşı...
-
Dörd il əvvəl 7 minə yaxın insanın həlak olduğu İkinci Qarabağ müharibəsi başa çatdı. Daha sonra ermənilər Azərbaycanın "antiterror əməliyyatları" adlandırdığı döyüşlər nəticəsində Qarabağı tərk etdilər.
-
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).
-
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.
Rəy yaz