Bakı/24.12.19/Turan: Bakı Dövlət Universitetinin (BDU) tələbələri bu gün ali məktəbin əsas korpusunun binasına "Pulsuz təhsil" şüarı yazılan böyük plakat asıblar.
Plakat binanın 5-ci mərtəbəsindən 2-ci mərtəbəsinə qədər uzanıb.
Plakatın fotoşəkli İnternetdə sosial şəbəkələrdə yayılıb.
Qeyd edək ki, Azərbaycan ali məktəblərinin çox az sayda tələbəsi "dövlət sifarişi ilə" pulsuz təhsil almaq imkanına malikdir.
Ödənişli əsaslarla təhsil haqqı isə ildən-ilə artır. Bu, bir çox gəncləri təhsil almaq üçün Türkiyə, Gürcüstan, Rusiya, Ukrayna və digər ölkələrə getməyə məcbur edir. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz