Açiq mənbələrdən foto.
Bakı/26.12.22/Turan: İctimai fəal Bəxtiyar Hacıyev 12 gündür ki, Bakı 1 saylı İstintaq Təcridxanasında aclıq edir. Bu barədə Turan-a vəkil Şəhla Qumbətova bildirib. Bazar ertəsi vəkil ona baş çəkib.
Onun sözlərinə görə, Hacıyevin səhhəti getdikcə pisləşir. Təcridxanasına daxil olandan və aclığa başlayandan sonra 6 kiloqram arıqlayıb, hazırda çəkisi 78 kiloqramdır, arterial təzyiqi 90/60-dır.
Hacıyev bildirib ki, onun azadlığa buraxılması tələbi təmin olunmasa, quru alcığa keçəcək. O həmçinin yerli və beynəlxalq ictimaiyyətdən böyük dəstək gözləyir. Hacıyev hakimiyyətyönlü telekanalda təhqir edilməsini pisləyib.
Xatırladaq ki, Bəxtiyar Hacıyev dekabrın 9-da xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib. Dekabrın 15-də Bəxtiyar Hacıyev həbsdən azad olunması tələbilə müddətsiz aclığa başlayacağını vəd edib. 06B
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz