Bəxtiyar Hacıyev
Bakı/21.12.22/Turan: İctimai fəal Bəxtiyar Hacıyev 7 gündür Bakı İstintaq Təcridxanasında aclığı davam etdirir. O, 4 kiloqram çəki itirib. Bu barədə Turan-a vəkil Zibeydə Sadıqova dekabrın 21-də 1 saylı Bakı İstintaq Təcridxanasında Hacıyevlə görüşündən sonra bildirib.
Onun sözlərinə görə, Bəxtiyar Hacıyev bu gün ilk dəfə həkim müayinəsindən keçirilib.
"Onun təzyiqi, ürək döyüntüləri, qan analizi, çəkisi yoxlanılıb. Mənə dedi ki, təcridxanaya daxil olarkən çəkisi 84 və ya 84,5 kiloqram olub. Ancaq indi 80 kiloqramdır. Aclığı davam etdirir. Yalnız maye qəbul edir. Səhhəti də 7 gün aclıq edən adamın səhhəti kimidir", deyə o qeyd edib.
Vəkil bildirib ki, Bəxtiyar Hacıyev bu gün indiyədək saxlanıldığı qaranlıq, soyuq kameradan yeni xüsusi bir kameraya yerləşdirlib.
Hacıyev möhkəm dayanır, amma həbsinə etiraz əlaməti olaraq aclığı davam etdirir.
Vəkil həmçinin bildirib ki, Bəxtiyar Hacıyevin ev dustaqlığına köçürülməsindən imtina ilə bağlı apellyasiya şikayəti verilib. 06B
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz