Açiq mənbələrdən foto.
Bakı/13.12.22/Turan: Bakı Apellyasiya Məhkəməsində hakim Zəki Babayevin sədrliyi ilə Bəxtiyar Hacıyevin apellyasiya şikayətinə baxılması 15 dekabr saat 15:00-a təyin edilib. Bu barədə Turan-a "Müdafiə Xətti" QHT-nin icraçı direktoru Rüfət Səfərov bildirib.
"Şikayət təmin edilməsə və Hacıyev həbsdə saxlanılsa, o, müddətsiz aclıq elan etmək niyyətindədir", deyə Səfərov bildirib.
Onun fikrincə, Hacıyevin işi Azərbaycan hakimiyyəti üçün ciddi beynəlxalq problemlər yaradacaq. "Bu, böyük böhrana səbəb olacaq. Ümid edirəm ki, hakimiyyət fəalların qondarma cinayət işlərinə etiraz əlaməti olaraq keçirdiyi aclıq aksiyalarının beynəlxalq güc mərkəzləri tərəfindən Bakıya təzyiqin artmasına səbəb olduğu əvvəlki acınacaqlı təcrübədən dərs çıxaracaq", deyə Səfərov qeyd edib.
O, hakimiyyəti Hacıyevi və digər siyasi məhbusları azad etməyə çağırıb.
ABŞ Dövlət Departamenti və Aİ Hacıyevin həbsi ilə bağlı narahatlıqlarını bildiriblər, hakimiyyəti Hacıyevi azad etməyə çağırıblar. Amnesty İnternational beynəlxalq hüquq müdafiə təşkilatı da belə bir çağırışla çıxış edib.
Xatırladaq ki, dekabrın 9-da Bakının Xətai Rayon Məhkəməsi ictimai fəal Bəxtiyar Hacıyevi istintaq müddətinə - 1 ay 20 gün müddətinə həbs edib. Fəal xuliqanlıqda və məhkəməyə hörmətsizlikdə ittiham olunub. O, 3 ilədək azadlıqdan məhrum edilə bilər. 03B06
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz