Beynəlxalq Bankın keçmiş rəhbərinin işi üzrə məhkəmədə müdafiə tərəfinin çıxışı başlayıb

Bü gün Bakı Ağır Cinayətlər Məhkəməsində Beynəlxalq Bankın keçmiş rəhbəri  Cahangir Hacıyev və daha 7 nəfərin işi üzrə məhkəmə prosesi vəkillərin  çıxışı ilə  başlayıb.

Sonra  fasilə  yaranıb.

Fasilədən sonra Turan-a açıqlama verən  vəkil Fəxrəddin Mehdiyev bildirib ki, müdafiə çıxışında bu işin  cinayət tərkibi olmadığını deyib. “ Ümumiyyətlə, biz hesab edirik ki, Cahangir  Hacıyevə irəli sürülən itiham tamamilə qanunsuz və əsassızdır. Bu işə mülki icraat qaydasında baxılmalıdır. İttiham əvvəlcə 179 .3.1(mənimsəmə və israfetmə mütəşşəkil dəstə tərəfindən törədildikdə) maddəsi ilə verilib, sonradan ittihamın həcmi genişləndirilib. İttihamları qərəzli hesab etdiyimizdən dəfələrlə vəsatətlər  təqdim etmişik. Bu işdə ibtidai istintaqin  göstərdiyi mütəşşəkil dəstə mövcud deyil. İttiham tərəfi bu mütəşşəkil dəstə ulə bağlı məhkəməyə sübut təqdim etməyib.Verilən bütün ittihamlar süni ittihamlardır”,  - o, əlavə edib.

Vəkil  C.Hacıyevin barəsində bəraət hökmünün çıxarılmasını məhkəmədən xahiş edib.

 Proses günün ikinci yarısında vəkillərin çıxışı ilə davam edəcək.

Xatırladaq ki, sentyabrın 27-də Bakı Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə dövlət ittihamçısı Cahangir Hacıyevə 17 il həbs cəzası istəyib.

O, C. Hacıyevin və digərlərinin 3 il dövlət və yerli özünü idarəetmə orqanlarında rəhbər vəzifə tutmaq hüququndan məhrum edilməsini, Cahangir Hacıyevin 17 il, İlqar Abdullayevin 8 il, Yusif Ələkbərovun 11 il, İbrahim Hüseynovun 11 il, Anar Sultanovun 8 il, Məhəmməd Cahangirovun 8 il, Kənan Orucovun 7 il 6 ay 23 gün, Azad Cavadovun 12 il 11 ay müddətinə azadlıqdan məhrum olunmasını istəyib.

Prokuror Fərid Nağıyev deyib ki, C.Hacıyevin həyat yoldaşı, hazırda xaricdə gizlənən  Zamirə Hacıyeva da digərləri ilə birlikdə dövlət əmlakını talayıb, vəzifə saxtakarlığı edib.-16/36D--