Beynəlxalq münsiflər heyəti bir daha Azercell-i seçdi

Şirkət nüfuzlu Stevie mükafatının 3 nominasiyası üzrə uğur əldə etdi 

Ölkəmizin lider mobil operatoru Azercell beynəlxalq biznes aləmində uğurlarını artırmaqda davam edir.  Şirkət Stevie Beynəlxalq Biznes Mükafatı üzrə 3 nominasiyanın qalibi olaraq münsiflər heyətinin böyük etimadını qazanıb. “İlin telekommunikasiya şirkəti” və “İlin Korporativ Ünsiyyət Departamenti” nominasiyası üzrə bürünc mükafatı qazanan Azercell Azərbaycanı beynəlxalq aləmə bir daha tanıtdırdı.   Eyni zamanda, Azercell-in Barama İnnovasiya və Sahibkarlıq Mərkəzinin nəzdində yaranaraq fəaliyyət göstərən Sumaks şirkəti isə “İlin Startapı” nominasiyası üzrə gümüş mükafata layiq görüldü.

Təbii ki, bu seçimi etdikdə tanınmış qurumun beynəlxalq münsiflər heyəti şurası Azercell-in ölkədə keçirdiyi bir sıra əhəmiyyətli layihə və təşəbbüsləri nəzərə almaya bilməzdi. Şuranın rəylərinə əsasən: “Ölkənin qərb sərhədlərində hərbi vəziyyətlə əlaqədar Azercell-in öz abunəçilərini fasiləsiz əlaqə ilə təchiz etməsi və eyni zamanda, gərgin döyüşlərin getdiyi vaxtda bir həftə ərzində ön cəbhəyə yaxın ərazilərdə 3G şəbəkəsinin əhatə dairəsini 30% gücləndirməsi Azercell şirkətinin nümunəvi mobil operator olduğunu sübut edir. Bundan əlavə, ön cəbhə zonasındakı hərbi qulluqçular və vətəndaşlar üçün növbəti dəyərli dəstəyini göstərərək, Füzuli, Ağdam və Tərtər rayonlarındakı döyüş bölgələrində məskunlaşmış abunəçilərinə şəbəkədaxili 60 dəqiqə pulsuz danışıq hədiyyə edən şirkət bu nümunəvi işinə görə də İlin telekommunikasiya şirkəti adını almağa layiqdir”.

 Azercell-in Barama İnnovasiya və Sahibkarlıq Mərkəzinin nəzdində fəaliyyət göstərən Sumaks Startapı isə Innovativ Avtomaks ve məişət proseslərinin idarə edilməsi üzrə  layihələrə görə gümüş mükafatına layiq görülüb. Qeyd edək ki, Azərbaycanda bir ilk olan Avtomaks qurğusunun əsas məqsədi avtomobilin təhlükəsizliyini təmin etmək və ona məsafədən nəzarəti həyata keçirməkd, iş prosesini asanlaşdırmaqdan ibarətdir.

Xatirladaq ki, dünyanın 200-dən çox nüfuzlu biznes eksperti, şirkət sahibi və iş adamlarından ibarət beynəlxalq münsiflər heyətinin səsverməsi nəticəsində baş tutan Stevie mükafatının məqsədi dünyanın müxtəlif ölkələrində uğur qazanmış şirkətlərin tanıdılmasıdır. Qeyd edək ki, Azercell Telekom 2011-ci ildə Sosial Məsuliyyət layihələrinə görə "İlin İctimaiyyətlə Əlaqələr Şirkəti", 2012-də  ətraf mühitin qorunmasına xidmət edən "Karbon Kalkulyator" layihəsinə görə "İlin Kreativ Komandası" nominasiyasında, 2014-cü və 2015-ci illərdə isə İlin ən yaxşı məhsulu ("Bölgə" tarifinə görə), İlin Telekommunikasiya Şirkəti (telekommunikasiya sahəsindəki nailiyyətlərə görə), İlin ən yaxşı Müştəri Xidməti (Müştəri Loyallığı İndeksinin ölçülməsinə dair layihəyə görə) nominasiyalarında Stevie mükafatına layiq görülüb.

Daha ətraflı məlumat üçün news@mcs.az ünvanına müraciət edə bilərsiniz 

Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq, Azərbaycana Azercell gətirib: GSM texnologiyası, öncədən ödəmə mobil xidmətləri, M2M,MobilBank,GPRS/EDGE (mobil internet),24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “Asan İmza” və s. Azərbaycanın mobil rabitə bazarındakı payı 48% olan Azercell-in şəbəkəsi ölkə əhalisinin 99,8%-ni əhatə edir. 2015-ci  ilin sonuna Azercell abunəçilərinin sayı 4,5 milyon  nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 17 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaşı olan Telia Company şirkətlər qrupunun bir hissəsidir.